(( إخــــــــــوة و أخــــــــوات)) رواية رومانسية كوميدية..

شخصيـــــــــات الروايــــــــــــة...

بطــــــــولة..

العنود: تسكن مع خواتها وهي الاخت الكبرى واللي تعاني من أن يفوتها قطار الزواج وتصير ((عانس))، عمــــرها 27 سنـــة..
الهنـــوف: الأخت الوسطى واللي تعاني من الحب المهبول وكل ماتلتقي بواحد حلو ،تدوخ وتخق..
الجــــازي: الأخت الصغرى(1) واللي تعاني من الوزن الزائد بجسمها وتبي تصير رشيقة..
بشـــــرى: الأخت الصغرى(1) واللي تعاني من أسمها وتبي تغيره...

طبعاً الاربع الخوات من عايلة غنيــة وراهيــة كثير وتسمى هذي العايلة بــ((الدلوعات))..

وشخصيات جميلــــة بإنتظارنا مع الأحـــــــداث





طبعاً احب اقول لكم لا تستغربون من عادات وتقاليد هذول البنات ولا لهجتهم بالكلام..

البـــــــــــــــــــــــــــــــارت الأول...

في بيت الدلوعات وتحديداً في الصباح في صالة التمارين حيث الجازي تسوي تمارين بالسيكل المتحرك الالكتروني...

الجازي: واحد، اثنين،ثلاثة، اربعة.... واحد، اثنين، ثلاثة، اربعة..... خلاص تعبت ماني قادرة..
((وتدخل عليها العنود)): الحمدلله والشكر ياربي..قاعدة تجهدين نفسك على قلة الفاضي...وانتي متأملة انك بتضعفين؟؟
الجازي بغرور: ان شالله بضعف وأقهر العذال اللي مثلك..
العنود: قولي لي وين بتضعفين..((وتأشر بأيدها))وسلة هالفواكه وراك وراك وين مابتروحين..
الجازي:مايأثر... الفواكه ماتأثر...عادي..
العنود:والله ماقول الا الله يهديك بس..
الجازي:يهدي الجميع انشالله..
((العنود تهز راسها وتطلع من صالة التمارين الى غرفة بشرى))..

في غرفة بشرى وهي قاعدة تفرفر بكتب تدور لها على................. حلو ومناسب.

العنود من وراء الباب: مسموح لي ادخل او لا؟؟
بشرى بأبتسامة: مسموح..دخلي..
العنود: شتسوين ياحلوة؟؟
بشرى بضيقة خلق: والله ماكو.. كالعاده ادور لي اسم حلو يناسبني..
العنود: وانتي للحين مصممة تبين تغيرين اسمك؟؟
بشرى: أكيــــد!!... واذا مالقيت اسم يعجبني راح انتحر واللي فيها فيها..
العنود: الصراحة انتي مو صاحية...بتنتحرين عشان أسم؟؟
بشرى: أيـــــــه... ايـــــــه راح انتحر ... يعني اللي انتحروا احسن مني بشنو؟؟
العنود:الله يشفيك ياختي...((وبعد دقيقتين قالت)) يالله اخليك تفرفرين وتدورين لك اسم... انا طالعة!!
بشرى:الله معاك اختي..
((العنود تطلع من غرفة بشرى وتتجه لغرفة الهنوف))..

في غرفة الهنوف..

((تدخل العنود الغرفة بعد ماطقت الباب ولا حد جاوبها لأن الهنوف تتحمم وقعدت على الاريكه الموجوده بالغرفة)).

الهنوف تطلع من الحمام وتنشف شعرها وتلقى العنود جالسه وقالت بأبتسامة: العنود اختي عندي وانا مادري؟؟
العنود: اول شي نعيماً..
الهنوف: الله ينعم عليك حبيبتي..
العنود: والله مريت على خواتك وكل وحده مشغولة بهمها..الاولى تتمرن والثانية تدور لها اسم.....قلت أمــر عليك يمكن القاك فاضية.((وقالت بكدر)):خلاص مليت لحالي ابي اسولف مع احد...
الهنوف:الصراحة زين انك جيتي.. عندي لك سالفة صارت لي اليوم وياحلوها من سالفة...
العنود: شنو السالفة؟؟
الهنوف: خليني بس امشط شعري وبعدها احكيلك كل اللي صار...
العنود: انتظرك...
((راحت الهنوف الجهة الثانية ومشطت شعرها ورجعت))
العنود: ماشالله عليك.. خلصتي بسرعة..... يالله قولي لي شصارلك اليوم؟؟
الهنوف: اشوفك متحمسة وايد...
العنود: ايـــــه.. فوق ماتتصورين..
الهنوف: اقولك اليوم لم رحت الصيدلية اشتري لي اغراض محتاجتها... تدرين شنو شفت؟؟
العنود: شنو شفتي؟؟
الهنوف وهي ترمي نفسها على اختها: وااااي.. واااااي ياختي.. لمحت شخص يطيح الطير من السماء.. عذاب ، عذاب والله عذاب..
خلاص ماقدر..
العنود وهي توخر اختها عن حضنها:مالت عليك... والله عبالي عندك سالفة.. اتاري هذي سالفتك!!
الهنوف:ليش السالفة ماعجبتك؟؟
العنود بضيق: حسي فيني ياختي الأحساس نعمة... انا ناقصة تطرين لي سالفة الرجال...مو كافي وصّل عمري 1000 وانا للحين ماجاني نصيبي وتزوجت...
الهنوف: والله ماكان قصدي ياختي... انشالله بيجيك نصيبك وتتزوجيني وتجيبين عيال ونفرح فيك..
العنود: لمتــــى بعد؟؟ خلاص ياختي قطار الزواج فاتني وانا عنّست..
الهنوف: هونيها وتهون ياختي... بس والله هذاك الرجال حلو حيــــل..
العنود: ردينا على سالفة الرجاجيل؟؟
الهنوف: خلاص... خلاص سكتنا..((وحطت ايدها على فمها)).

في الليـــــل...

على طاولة الطعام..

الجازي بصراخ: يالله يابنات... العشا راح يبرد وانتوا للحين مانزلتوا...
((الهنوف وهي متوجهه لها)): شفيك تصارخين؟؟ كل هالصراخ عشان الأكل؟؟
الجازي: والله حبيبتي ماحد يستغنى عن الأكل...واذا انتي تقدرين تستغنين عن الاكل.. انا اسمحيلي ماقدر...
الهنوف: وهذا اللي يبي يضعف؟؟
الجازي: والله انا قلت بضعف ورايي مثل ما أهو.. بس مو أموت جوع عشانك...
الهنوف: ماقلنا لك موتي جوع... بس اكلي سلطات احسن لك...
الجازي: لا حبيبتي ماقدر استغنى عن اللحوم والشحوم...((وبغرور)): ياحلوي وانا أكـــل سلطات بس..
الهنوف: اجل شلون بتضعفين؟؟
الجازي: على ما أظن انتي مو كفيفة ماتشوفين.. هذا أنا كل يوم أسوي تمارين...
الهنوف: شالفايدة تسوين تمارين وتأكلين لحوم بعدهــا..
((بقدوم بشرى والعنود))
العنود: شفيكم صوتكم واصل للشارع؟؟
الجازي بأنفعال: سألي اختك..
العنود: شسوت بعد؟؟
الهنوف: والله العظيم ماسويت لها شي..كل مافي الموضوع اني قلت لها بس تأكل سلطات وتبطل أكل لحوم عشان تضعف...
الجازي بصراخ: وأنتي شدخلك فيني... خلك بنفسك ولا عليك من غيرك...
الهنوف: بس انا أختك ومن حقي انصحك..
الجازي: والله انا مو صغيرة وجاهل عشان تنصحيني ... أصحي انا كبيرة...
العنود : لا حول الله ولا قوة الا به... خلاص عاد بس.. وجعتوا راسي..
الهنوف تهمس للجازي: كله منك يالسوسه...
العنود: غريبة يابشرى.. ما أنسمع لك حس ولا علقتي على النقاش اليومي...
بشرى: هذي انتي قلتيها.. ((نقاش يومي))... ف ليش اعلق قولي لي.... خلني كافية خيري شري احسن لي...
العنود: بهذي صدقتي يابشرى...
بشرى: أنا اتبّع المثل اللي يقول(ابتعد عن الشر تسلم)).
العنود بأستغراب: هذا مثّل جديد؟؟
بشرى: أيــــه.. هذا انا اللي مطلعته من عندي...
الهنوف بأستظراف: انتي طلعي لك أسم بالأول وبعدين طلعي لك أمثال...
بشرى تترك الأكل وتقول بدون نفس: الحمدلله... شبعت...
العنود حست بشرى تضايقت وهمست للهنوف: زين كذا خليتيها تتضايق من كلامك السم اللي مثلك.. انتي ماتدرين انها حساسة بهالموضوع؟؟؟
الهنوف بنفس الهمس: زلة لسان ياختي...
العنود: يالله قدامي روحي اعتذري منها...
الهنوف: حاضر على أمرك..((وراحت وجلست جنب بشرى وقالت)): سامحيني يابشرى.. والله ماكنت اقصد.. مادري شلون طلعت من لساني أصلاً...
بشرى: لا عادي... انا تعودت اصلاً.. مو شي جديد...
الهنوف: والله ماكنت اقصد... صدقيني...
بشرى: خلاص يالهنوف عاد.. بتزعليني غصب؟؟
الهنوف: شيثبت انك مو زعلانه؟؟
بشرى: ماعندي اي اثبات...
الهنوف: زين احضنيني بقوة عشان تثبتيلي انك مو زعلانه...
((بشرى دارت على اختها واحتضنتها بقوة وابتسمت لها بعد))..
العنود: الله لايحرمني منكم يا أحلى خوات بهالدنيا... قولوا امــــــــــــــــين..
البنات: أميــــــــــــــــــــن يارب..


طبعاً اتضحت لكم شخصيات كل وحده من خلال الحوار...
شتتوقعون يصير بالبارت الثاني..
ومنو الشخصية اللي راح تطلع بالبارت الثاني...

البــــــــــــارت الثـــــــاني...

في صباح يوم جديد...

بشرى عند الدرج: يالله بسرعه تأخرنا!!
العنود: يالله.. يالله هذا احنا جينا...
الهنوف: والله انا مالي خلق اطلع... بس عشانكم بس..
الجازي وبأيدها ساندويتشه: وأنا بعد عشانكم بس..
العنود: انتي تبين تقعدين حق البلع فهالأكل ...
الجازي: شسوي اذا نفسيتي مفتوحه للأكل..
بشرى: اقول خلونا نمشي بسرعة قبل لاتقلبونها محاضرة على الجازي الدبه..
الجازي جلست على الارض وقالت:خلاص بطلت ماني رايحة معاكم..
العنود: ياربي عليك... يالله قومي مو وقته الدلع الحين...
الجازي: مابي خلاص.. روحوا انتوا..
الهنوف:خلاص كيفك.. بس راح يفوتك الأكل اللي راح نطلبه هناك...
الجازي بأبتسامة: أكل؟؟ خلاص أجل يالله خلونا نمشي..
بشرى: الحمدلله والشكر.... يالله أمشـــوا..

((بعد وصولهم البحر))..

الهنوف بحماس: ياللــــــــه.... شكثر البحر حلو وشفاف..
العنود: أيـــــــــه مثلـــــي...
الهنوف: أقول انطمي انتي...
الجازي: أقولكم... شرايكم نسبح؟؟
بشرى: جنت أختي... وين نسبح قدام الناس؟؟
الجازي بأستظراف: بخليهم يغمضوا عيونهم..
العنود: ياثقل دمك يالجازي...
الجازي: أجل خلونا نتسابق؟؟
الهنوف: نتسابق... نتسابق... يالله..
بشرى: لا حبايبي أنا مافيني أسابق...
الهنوف بترجي: عفيه بشرى... عشاني بس هالمرة..
بشرى: لا مابي...
العنود بترجي: يالله عاد بشروه.. لاتصيرين عنيده... خلي جمعتنا تصير حلوة...
الجازي بترجي: يالله بشرى وافقي..
بشرى: مدامكم مصممين... خلاص ماشي.. راح اتسابق معاكم...

((ابتدوا البنات بالسباق واثناء التسابق طاحت الجازي على الأرض والبنات الباقين التفتوا عليها وضحكوا وهم بعدهم يسرعون لين اصطدمت بشرى برجال))

بشرى ابتعدت عن الرجال شوي وقالت بصراخ: يعني أنت ماتشوف قدامك؟؟
.....................: والله وجهي السؤال لك ياحلوة... مو أنتي كنتي تركضين ودايره وجهك على وراء؟؟
بشرى: حتى ولو... أنت تقدر توخر يوم شفتني اركض... بس انت تعمدت تصطدم فيني...
.................: مع أني مو غلطان بس يالله عشانك يالحلوه... أنا أسف...
بشرى طنشته وراحت لخواتها...

((مع خواتها))..

العنود بضحكه: هاه شسويتي مع الرجال... غسلتي شراعه؟؟
الهنوف: الصراحه الرجال حده جميل...لو انا منك أخذت رقمه واللي فيها فيها...
بشرى: هذا أنتي اللي تسوين هالشغلات مو أنا حبيبتي... هذا اللي ناقصني ..وش شايفتني بايعة نفسي.. والله شايفتني مثلك أخق من أشوف أي رجال حلو..
الجازي قاطعتهم: أنتوا تتكلمون عن منو هاه... فهموني؟؟
بشرى: ليش خواتك مانشروا الخبر للحين؟؟
الجازي: من جاو من عندك وهم مافيهم ألا الضحك...
بشرى: غريبة!! المعلوم خواتي بخور سوق.. غريبه ماعلموك...(وحكت للجازي شصار معاها وبعدها الجازي قالت): وأنتي شسويتي له؟؟
بشرى: ماسكت عنه... عطيته العين البنفسجية... عشان لا يعودها و...
قاطعته العنود: بشروه؟؟
بشرى: هاه؟؟
العنود: هذا هو جاي قبالنا...
بشرى: شيبي بعد ملاحقني؟؟
العنود: علمي علمك... قومي شوفيه شيبي؟
بشرى: ويــــــــــــع... لا أقوم ولا شي...
الهنوف: أجل انا بقوم بروح أشوف شيبي!! ((ويوم بتقوم))
بشرى مسكت أيد الهنوف : أنتي انثبري.. أنا اعرفك من قمتي له بتخقين وبعدها بنلقاك بالمستشفى.. خلي الجازي تقوم له...
الجازي: اوووك انا رايحه له...
((وقامت للرجال وقالت): خير شبغيت ياخوي؟؟
..............: أنا اسمي وليد وحبيت أعتذر عن اللي صار مع اللي صدمت فيها... فياريت تقبل اعتذاري...
الجازي: خلاص مشكور وما قصرت... أنا بالنيابة عن أختي أقولك مسموح... الحين تبي شي ثاني؟؟
وليد: سلامتك... بلغيها سلامي وتحياتي...(( وراح عنهم))..
((رجعت الجازي لخواتها وبشرى قالت)): شفيك قعدتي وياه ساعة؟؟ ليش شقالك؟؟
الجازي: الصراحة هالرجال مؤدب... جا يعتذر لك عن اللي صار وياه... وقالي أسمه وليد..
بشرى: وأنا شدخلني أذا اسمه وليد ولا خالد... خله يولي...
العنود: انا ايقنت أنه انعجب فيك...
الهنوف: مثل ماقالت العنود... الظاهر سلبتي عقله وقلبه...
بشرى: أقول بس يركدون...انطمي انتي وياها.. انتوا اللي خليتوني أوافق اتسابق معاكم غصباً عني وشوفوا شاللي صار...
الجازي: يمكن مكتوب لك انك تصطدمين فيه ويصير بينكم علاقة حب مثلاً...
بشرى: حب مع هالأشكال؟؟ أقول بس خلونا نرجع البيت ترى ضاقت فيني الوسيعة... بلا حب بلا خرابيط...
العنود: ماصار لنا ساعة من وصلنا .... تبينا الحين نروح؟؟
بشرى: أجل خلاص أنا بروح وأنتوا خلكم قاعدين...
الهنوف: يانروح كلنا جميع... يانقعد كلنا جميع....
الجازي: أجل خلاص يالله خلونا نمشي...
العنود: مدامكم كلكم بتروحون... أنا شيقعدني لحالي؟؟
بشرى: يالله أجل مشينـــــــــا...

((وركبوا السياره وراحو))...


منو هذا اللي أسمه وليد وهل له قصة مع قصة البنات ....

البــــارت الثـــــالث...

في الجـــامعة...

هند: هاااااااااي بشرى..
بشرى :أهليــــن هند..
هند: شلونك حبيبتي؟؟
بشرى بدون نفس: زفت ولله الحمد..
هند: ليش عاد؟؟
بشرى: أقولك أمس رحت البحر مع خواتي وتسابقنا وتوقعي شصار...
هند: شصار؟؟
بشرى: وانا اركض اصطدمت برجال..الله يرجه..
هند: ههههههه... وبعدين شصار؟؟
بشرى: غسلت شراعه وخليته بيزه ماتسوى...
هند:هههههههههه.... عالعموم نسيت أقولك؟؟
بشرى: لبيـــــه؟؟
هند: انتي معزومة عالعشا مع خواتك في بيتنا...
بشرى: متى... اليوم؟؟
هند: أيــــه اليوم...اجل بكره..
بشرى: ههههههه... خلاص حبيبتي ... أحاول..
هند: مو تحاولين ياحلوة... بتجين غصباً عنك...
بشرى: أوووك... بقول لخواتي وأعطيك خبر...
هند: أجل انتظر اتصالك..

((في احـــدى الشركات))

العنود توها داخله مكتبها...
رحمة:العنود؟؟ تو الناس ياقلبي... ليش جايه بعد؟؟
العنود: ليش انا تأخرت؟؟
رحمة: لا انتي أول وحده مداومة لاتخافين...
العنود: ههههههه... رحموه بلا استظراف..
رحمة: ياحلوه... رئيس القسم ينتظرك...
العنود بدون نفس: اووووف...ياشينه على أول الصبح..
رحمة: اقول بسرعه عجلي روحي له قبل لايفصلك...
العنود: يخسي أهو وأشكاله..
((يدخل رئيس القسم))..
رحمة: سكتي ... سكتي.. هذا أهو جاي...
رئيس القسم:شرفتي يالعنود؟؟
العنود: أيــــه شرفت... عندك شي لاسمح الله...
رئيس القسم: شهالأسلوب الخايس اللي تكلميني فيه على اول الصباح...
العنود ببرود: والله هذا أسلوبي..
رئيس القسم: ممكن تتركين كل اللي بإيدك وتجيني المكتب؟؟
العنود: والله عندي شغل وايد..لم أخلص بعدين أفكر اجيلك...((ببرود)):أنتبه بعدين افكر اجيلك..
رحمة أبتسمت ابتسامة خفيفة..
رئيس القسم بتنرفز: أوووك يالعنود...بنشوف!! ((وطلع)).
رحمة: والله أنتي مو سهله يالعنود..
العنود: أفا عليك بس...اجل هذا يتحكم فيني..

((في بيت الدلوعات))..

الهنوف في غرفتها وهي تكلّم بجوالها...

الهنوف: هلا حبيبتي نوف شلونك...
نوف: الحمدلله...ألا أقول... شالطاري عليك متصله علّي...
الهنوف: والله ماكو...أشتقت لك وحبيت اكلمك.. فيها شي؟؟
نوف: لا مافيها شي... بس أحس أن عندك سالفة بخاطرك تبين تقولينها...
الهنوف: لا سالفة ولاشي...بس لأني طفشانه حبيت أكلم أي أحد..
نوف: يالله سولفي ... أسمعك..
((وقاطعها الخط الثاني اللي جاها على جوالها))
الهنوف: حببتي نوف... أكلمك بعدين..عندي خط ثاني...
نوف: اوووك ياقلبي...
((وسكرت من نوف وردت على الخط الثاني))
الهنوف قبل لاترد: أوووف..هذا شيبي بعد؟؟ والله غثّة....((وردت)): هلا بدر...بغيت شي؟؟
بدر: هلا حبيبتي... اخبارك؟؟
الهنوف وهي شايله السماعه عنها: حبيبتك بعينك يامال الخرعه...
بدر: ألووو... وينك... وين رحتي يالهنوف؟؟
الهنوف حطت السماعه بذونها : معاك يابدر...
بدر: حبيبتي الهنوف ممكن أشوفك اليوم؟؟ والله مشتاقلك...
الهنوف بأنفعال: نعم؟؟ وبصفتي شنو أشوفك؟؟
بدر: بصفتي خطيبك وزوجك بالمستقبل..
الهنوف: ويــــــــــع...أنت من صجك؟؟
بدر: ألحين صرت بنظرك ويــع يالهنوف؟؟ نسيتي بالأول كنتي تلاحقيني من مكان لمكان..
الهنوف: أقول يركدون بس... ويالله مابي أشوف رقمك على جوالي...فاهمني؟؟ ((وسكرت السماعه))

بعد دقايق: حلوه هذي يبي يشوفني.. ولا بعد يقول حبيبتي... مالت عليك من رجال...
خلني أقوم أشوف هالدعله وينها فيه... ((وطلعت من غرفتها ونزلت الصالة)).

على الدرج...

الهنوف: مشاعل عندنا وماحد قال لي؟؟
مشاعل: أيــــه عندكم... مالت عليك ياللي ما تسألين...
الهنوف وهي رايحه لهم: والله تدرين أشغال و أعمال و...
قاطعتها مشاعل: أقول لايكثر...يعني مستكثره 5 دقايق تسألين فيها عني.. أهي كلها: ""ألووو.. أخبارك... يالله باي""
الهنوف: ههههههه...خلاص عاد كليتيني بقشوري يالخبله..
الجازي: الصراحه بردت خاطري مشاعل... زين تسوي فيك...
الهنوف: أنتي أخر وحده تتكلمين...
مشاعل: عالأقل الجازي أحسن منك..كل يوم تسأل عني وعن أخباري مو مثلك ...مالت عليك...
الهنوف: وأنتي شفيك صايره كبريت اليوم... الظاهر ماكله فلفل قبل لاتجين...
الجازي:ههههههه...خلاص يابنات فكونا من سالفة التشره والعتاب الحين.. وفتحوا سالفه غيرها..
الهنوف: أي والله غيروها ترى لاعت جبدي..
الجازي: أقول مشاعل؟؟
مشاعل: هلا..
الجازي: شنو السالفة اللي كنتي بتقولينها قبل لاتجي الهنوف..
الهنوف: سوالف من وراي؟؟
مشاعل: أيه كنت بقولك يالجازي، بس يوم جات الهنوف هونت ماراح أقول بعدين تصكني عين..
الهنوف: والله عيني مو حاره..
الجازي: يالله يامشاعل قولي... تراك شوقّتيني...
مشاعل: ههههههه. شوقتّك؟؟ ليش داخلين بمغامرة؟؟
الهنوف: هههههههه. بعدك على حركاتك ماتبطلين منها..
مشاعل وهي تقوم عنهم: والله يابنات عمي مادري شقول لكم...
الهنوف: بتقولين ولا شلون؟؟
مشاعل: شلون..
الجازي: قولي يالله خلصينا..
مشاعل وهي عينها تلتفت على الهنوف والجازي: أنا انخطبت!!
((بشرى وهي داخله مع العنود)): ألف الصلاة والسلام عليك ياحبيب الله محمد..
العنود: ككككللللللللللوووووشششش..
مشاعل: بسم الله الرحمن الرحيم... من وين طلعتوا؟؟
العنود: من المصباح السحري..
بشرى: شلونك يابنت عمي؟؟
مشاعل: والله الحمدلله بشوفتكم..
الهنوف: ماعليك منهم وقولي لي... منو تعيس الحظ اللي بياخذك؟؟
مشاعل: تعيس الحظ بعينك... وجع يوجعك..
العنود: ايــه صج منو الخطيب؟؟
مشاعل:واحد من معارف أخواني أسمه سعيد واللي عرفته عنه انه مؤدب وخلوق وهادي وكل شي فيه زين..
الهنوف: عاد أسمه لايق عليك... ""سعيد و مشاعل""
مشاعل: اقول أستحي على وجهك... خيّلي عاد...
العنود: يالله مبرووك يامشاعل..
بشرى: تستاهلين حبيبتي... مبروك..
الجازي: مبرووك ياعروس..
مشاعل: الله يبارك فيكم حبايبي.. الفال لكم.. ماعدا الهنوف..
الهنوف: وليش عاد يالخايسه؟؟
مشاعل: لأنك الوحيده اللي ماباركتي لي...
الهنوف: بس؟! هذا اللي مزعلك؟؟ تامرين أمر.... مبروك يا شعولتي..
مشاعل: تو الناس ياقلبي تقولينها... كان انتظرتي ليوم الخطبه وبعدين قلتيها لي...
الجازي: ومتى ان شالله العرس؟؟
مشاعل: الصراحه أنا مو حابه أسوي عرس ولا أهو حاب هالفكره... فبيصير حفلة عائلية صغيره في بيتنا وبعدها نسافر على طول..
الهنوف: وليش يالخبله ماتسوين عرس ... خلينا نفرح ونرقص ونستانس..
الجازي: والله يامشاعل أحسن لك كذا..
الهنوف: أي أحسن أنتي بعد؟؟ الزواج اللي مافيه طقطقه ووناسه مو زواج اصلاً..
العنود: خلاص البنت على راحتها...ماتبي تسوي عرس بكيفها، أنتي شدخلك؟؟
بشرى: يالله انا استأذن.. بروح ارتاح بغرفتي لأني وايد تعبانه... سوري مشاعل لأني مابقدر اقعد معاك..
مشاعل: عادي حبيبتي... روحي ارتاحي أنتي...
بشرى: يالله سلام.. ((وطلعت لغرفتها))
العنود: أيــــه ماقلتينا.. أخبارك؟؟


في غرفة بشرى...

بشرى تكلم بجوالها صديقتها هند: هلا هنوده حبيبتي...
هند: هاه وصلتي؟؟
بشرى: أيــــه من ربع ساعة تقريباً..
هند: كلمتي خواتك ولا لسه؟؟
بشرى: عن شنو؟؟
هند: أمداك نسيتي؟؟
بشرى تذكرت العزيمة: لا والله للحين ماكلمتهم، الحين بروح لهم واقول لهم...
هند: انتظر اتصالك... سلام حبيبتي..
((بشرى سكرت من هند وطلعت من غرفتها ونزلت الدرج لخواتها))

في الصالة..

بشرى بأستغراب: وين راحت مشاعل؟؟
العنود: توها طالعه.. وتسلم عليك..
بشرى: الله يسلمها... والله كان ودي تروح معانا الليله..
الهنوف: وأحنا وين بنروح الليلة؟؟
بشرى: ليش أنا ماقلت لكم؟؟
العنود: لا ماقلتي شي..
بشرى: الليله احنا معزومين عالعشا في بيت هند صديقتي.. أظن تعرفونها..
العنود: وهل يخفى القمر...أكيـــد نعرفها..
بشرى: انزين... الحين جاوبوني بتروحون أو لا؟؟
العنود: أنا من جهتي ماعندي مانع...
بشرى والتفتت على الهنوف والجازي: وأنتوا بتروحون أو لا؟؟
الجازي: مدام السالفة فيها عشا.. أنا موافقة..
بشرى: ادري أنك موافقة..وأنتي يالهنوف؟؟
الهنوف: أفكر بالموضوع..
بشرى: شنو اللي بتفكرين؟؟ ليش خاطبينك؟؟
الهنوف: ان شالله... الله يسمع منك...
بشرى: يالله ألحين أخلصي علينا... بتروحين أو لا؟؟
الهنوف: مدام الكل بيروح.. انا شيقعدني لحالي... قطوه مثلاً!!
العنود وهي تهز راسها وتبتسم..

البــــــــــــــــارت الرابـــــــــع...
في بيت هند..

هند وهي تفتح الباب بأبتسامة: هلا حبايبي... تفضلوا البيت بيتكم...
بشرى: كيفك ياهند؟؟
هند: تمام.. أنتي شلونك؟؟
بشرى: الحمدلله..
العنود: شلونك حبيبتي هند؟؟
هند: الحمدلله بشوفتكم...تفضلوا..
بشرى: بيتكم هدوء... ليش ماكو أحد؟؟
هند: لا ماكو أحد...أمي في بيت جدي...وأخواني بالمجلس مع أخوياهم..
بشرى: أهــــــــا..
الهنوف: هنوده اخبارك؟؟
هند: هلا حبيبتي.. سوري لهيت بالسوالف مع بشرى ونسيت اسلم عليك..
الهنوف: عادي حبيبتي..
((جلسوا وفصخوا عبايتهم))
هند: الجازي شلونك؟؟
الجازي: حبيبتي الحمدلله..
هند بضحكة واستظراف: أخبار التمارين الرياضية..
الجازي: ههههههههه... ماشي الحال ... تسلم عليك...
هند: ترى بشرى وايد تحكي عنكم وخاصةً أنتي يالجازي...
الجازي: صج؟؟ وشنو تقول عني؟؟
هند: تقول انتي مطلعه لهم قرون...هههههههه
بشرى أبتسمت والجازي التفتت عليها وقالت بغضب خفيف: انا مطلعه لكم قرون يالخبله؟؟
بشرى: الصراحة.... أيـــــــه..
هند: ههههههههههههه... خلاص بلا نجره... انا اتغشمر معاكم بس...
العنود والهنوف: ههههههههههههههههههه... والهنوف قالت: عادي خليهم...أحنا متعودين...
الجازي: هند؟؟ كأني لمحت عندكم مزرعة أحصنة اذا ماكان يتهيأ لي...
هند: لا ما يتهيأ لك...
بشرى: عاد الجازي تموت على ركوب الخيول...
الهنوف: أيـــــه... والدليل على هذا.. أبوي شاري لها مزرعة بأمريكا...
هند: أووه... أوووه... شعليك يالجازي... من قدك..
الجازي انحرجت وبعدها قالت: يصير اروح اركب؟؟
هند: خذي راحتك حبيبتي.. البيت بيتك.. أنتي روحي الحين على ما أجهز لكم العشا...
بشرى وهي تقوم: يالله وانا بجي أساعدك بالتجهيز...
العنود: تبون مساعده؟؟
هند: مشكورة حبيبتي... أنتي ارتاحي وأنا وبشرى بنقوم بالواجب...

((وراحت بشرى وهند للمطبخ والجازي طلعت لمزرعة الخيول))

يرن جوال العنود وترد: ألووو...ألوووو... ذكريات تسمعيني...((وينقطع الخط))..
الهنوف: من اللي داق عليك.... ذكريات؟؟
العنود:أيـــــه ذكريات... بس انقطع الخط لأنه مافيه أرسال..
الهنوف: زين اطلعي برا عشان يلقط معاك..
العنود: هذاني بروح..
((وطلعت العنود برا ودقت على ذكريات))..

في المطبخ...

هند: أقولك خلاص ماعاد استحملها هالأستاذه... والله كرهتني بالماده...
بشرى: هههههههههه.. زين صيري معاها تمام... وراح تصير معاك تمام.... مثلي مع الدكتوره سوسن تذكرينها؟؟
هند: ايــــــــه اتذكرها... مسكينة تعبت معانا... بس هذي مادري كيف..
بشرى: يالله... كلها سنة وتعدي انشالله...
هند: انشالله..

((بعد دقايق))

هند طقت راسها بأيدها وبشرى قالت: شفيك؟؟
هند: نسيت أغراض من المخزن ماجبتها...
بشرى: زين روحي... شناطره؟؟
هند: بتروحين معاي ولا بتجلسين تنتظريني؟؟
بشرى: لا حبيبتي روحي أنتي... من اللي بينتبه على الأكل لو رحت معاك؟؟
هند: اوك اجل... انتظريني...

((بعد دقايق أخرى))

بشرى كانت تدور في الثلاجة على شي تشربه.. انفتح الباب الخارجي والتفتت وقالت: هذي أنتي ياهند؟؟
وانصدمت من الشخص الواقف قبالها وقالت: أنـــــــــــــــــــت؟؟!!

في المزرعه مع الجازي...

الجازي كانت واقفة عند سور المزرعة والمدرب يتجه لها: ماما... أنت يبي يركب؟؟
الجازي: ياريت..
المدرب: يالله تعالي ماما..
الجازي: مشكور..

((وركبت الجازي فوق احد الأحصنه وكانت بارعه وهي تمشي فيه))

<< قرّب شخص عند سور المزرعه وناظر الجازي وهي راكبه وفرحانه وابتسم>>

بعد دقايق من المرح والفرح...

الجازي: خلاص تعبت... خلني انزل الحين وبعدين اجيلك ياحلو...
((وقفت الجازي وقررت تنزل وبعد مانزلّت رجلها الأولى انزلقت وطاحت على الأرض وصابها جروح بسيطه ودخل الشخص اللي كان واقف عند السور وراح لها))

...................: سلامات... سلامات..
الجازي بألم: الله يسلمك....((بصراخ)):أأأأاااااي... رجلي تعورني...
...................: ماعليه استحملي شوي... لين ما أروح اجيب لك شي يضمد جرحك...
الجازي هزت راسها بوجع: بس بسرعه الله يخليك...

في الصالة حيث ماكانت الهنوف منسدحه على الاريكه وتفرفر بالريموت بملل...

الهنوف: أوووف... هالتلفزيون مافيه شي يبرّد الخاطر...
...............: حبيبتي هند ممكن تســ.....................
((وانصدم باللي قاعده قباله وانها مو هند))
الهنوف قامت بأرتباك وعدلت نفسها وملابسها: هلا.... منو أنت؟؟
...............((بغزل)): هلا والله.... هلا وغلا.... هلا بالنور اللي هال علينا من السماء...هلا..
الهنوف بحيا وشوي تطيح غشيانه: لا... لا... ماقدر على هالكلام...
تقرّب منها وتقربت منها وقال: أنا قصي.... أنتي من ياحلوه؟؟
الهنوف: وأنا الهنوف...
قصي: الهنوف؟؟ ياحلو الأسم وراعية الأسم..
الهنوف: عيونك الحلوة...
قصي: مو أحلى من عيونك ياقلبي... اخبارك يالهنوف..
الهنوف: الحمد لله تمام..>>> ماشالله عندهم الحياة فرري..
قصي: جلسي ليش واقفة؟؟

((وجلسوا الأثنين على الاريكه))

الهنوف: أنت زوج هند؟؟
قصي:ههههههههههههههههههه.... منو؟؟
الهنوف بأستغراب: شفيك تضحك؟؟
قصي: كلامك يضحكني...
الهنوف: وأنا شقلت غير سألتك انت زوجها لهند؟؟
قصي: لا حبيبتي...أنا أخوها..
الهنوف: أهــــــــا ... تشرفنا..
قصي: وأنتي صاحبتها أكيد... مو؟؟
الهنوف: مووو....هههههههههه..
قصي: ياحلو الضحكة على شفاتك..
الهنوف: خلاص عاد... أنا استحي..
قصي: ياعمري على اللي يستحون...
الهنوف حست بدوار وانسدحت على الاريكه مغمى عليها..
قصي: بسم الله الرحمن الرحيم... خلني أقوم بس قبل لأحد يشوفني ويقول أنا مسوي لها شي...
((قام ومانسى يحط رقمه بشنطتها وباسها بخدها قبل لايروح))..

مع العنود...

العنود: أيـــه ذكريات... اخبارك.... انتي متى راجعه.... بعد اسبوع؟؟
أوووووك ننتظرك... بالسلامه حبيبتي.... باي...

وحست العنود بخطوات جايه لها والتفتت على وراء مصدومه: أأانــــــــت؟؟

((في المطبخ مع بشرى))..

وليد: يامحلى الصدف... هذي المرة الثانية اللي التقيك فيها بنفس الاسبوع...
بشرى بأنفعال: محلى الصدف؟؟ ألا اسوأ الصدف وانت الصاج...
وليد: ليش؟؟ انا شسويت لك؟؟
بشرى:من دون ليش...ممكن الحين تطلع برا لأن وجودك مو مرغوب فيه...
وليد: والله بيتنا... وانا عجبني هالمكان وحاب اقعد فيه...
بشرى: عيل اشبع فيه... انا طالعه...
تدخل هند وتقول: سامحيني ياهند تأخرت عليك...((والتفتت مصدومة من اللي واقف قدامها)): وليد؟؟ انت شلون دخلت؟؟
بشرى بأحتقار: هذا اخوك ياهند؟؟
هند: أيـــــه... هذا اخوي وليد..
بشرى: تدرين ياهند أن هالأخ اللي واقف قدامك أهو نفسه اللي صدمت فيه بالبحر يوم كنت مع خواتي!!
هند: احلفي؟؟
بشرى: اسأليه..
وليد: صدفه حلوه مو صح ياهند؟؟
هند بهدوء: وليد؟؟ تدل الباب اللي جيت منه؟؟
وليد: طبعاً ادلـــه..
هند: ممكن الحين توريني عرض أكتافك وتتطلع برا..
وليد: مايهون علّي اطلع وهالملاك الحلو قدامي...
بشرى ناظرته بأحتقار ودارت وجهها للجهة الثانيه بعصبية وهند همست لوليد انه يطلع..((وطلع بعدها))..
هند: معليش حبيبتي... لاتزعلين... امسحيها بوجهي...
بشرى بهدوء: لا عادي حبيبتي..

في المزرعه مع الجازي...

((جاب الشخص للجازي ضمادات ولفها على رجلها))..

..............: هاه والحين شتحسين به؟؟
الجازي: الحين احسن... مشكور وماقصرت..
..............: واجبي..
الجازي: ممكن وما عليك أمر توقفني... ابي اروح ادخل صالة البيت...
...............: حاضر..
((وقفها ومشت وهي تعرج وقاطعها الشخص وقال)): ممكن أساعدك...
الجازي: لا مشكور..
...........: زين اجل خليني أوصلك لين الباب عشان اتطمن عليك...
الجازي: مدام جذي... خلاص... ماشي..

((مشى معاها وفي طريق باب البيت الجازي قالت)): أنا أحب الخيول وايد وأحس انهم قريبين مني وانا ارتاح معاهم...
........: انا بعد مثلك...
الجازي: نسيت اسألك.... انت شسمك؟؟
...............: انا طلال..
الجازي: تشرفنا... وانا الجازي..
طلال: تشرفنا يالجازي...

((وصلوا لباب البيت وقال لها)): اذا تبين شي او محتاجه شي اتصلي علّي... هذا رقمي..
الجازي: مشكور ياطلال... يالله باي..
طلال: باي..

((ودخلت البيت))..

مع العنود بالحديقة..

العنود بدون نفس: وانا ابي اعرف ياناصر انتي ملاحقني وين ماأروح...يعني ما أفتك منك بالشركة تطلعلي بهذا البيت بعد؟؟
........................: عالعموم هذا بيتنا... وابي اعرف انتي شتسوين هنا ببيتنا؟؟
العنود: والله جايه ازور صديقتي... ولو أدري أن هذا بيتكم مادخلته بالأساس...
ناصر:صديقتك؟؟ لايكون اختي هند؟؟
العنود: أيـــــه هند... عندك مانع مثلاً؟؟
ناصر: لا... بس شلون صديقتك وأنتي اكبر منها بكثير؟؟
العنود: أولاً/ العمر مو مهم..
ثانياً: هذي صاحبة أختي وأحنا نعرفها.... فهمت الحين؟؟
ناصر: أهــــــــا.... الحين فهمت..
العنود بدون نفس:الحين تبي شي ؟؟
ناصر: الله معاك..

((انقهرت منه وراحت دخلت البيت))

.................................................. .....................................
عائلة هند...
ناصر: رئيس قسم في شركة... عصبي نوعا ما... وسيم ورومانسي وحبوب لكن مايبين عليه هالصفات.. عمره 28 سنة..
قصي:رومانسي وجذاب للبنات ولعاب كثير على البنات.... لكنه طيوب وحلو وعمره 26 سنة..
طلال: راكب الخيول البارع.. رومانسي لكن مو مثل رومانسيه قصي ولا عصبي مثل عصبية ناصر وفيه خفه الكوميديا وعمره 24 سنة..
وليد: الولد الوسيم الجذاب الرومانسي والكوميدي والحبوب والطيب وعمره 22 سنة..
هند: صديقة بشرى والمقربة لها... جدية نوعا ما... ولكنها حبوبه وفكاهيه وعمرها 21 سنة..
ام ناصر: دورها بالروايه قصير وراح يكون لها حضور قوي بالأحداث النهائية بس...
.................................................. .................................................. .......
توقعاتكم...
1: شصار على الهنوف؟؟
2: منو ذكرى؟؟ وشنو قصتها؟؟
3: ومنو الشخصيات الجديده اللي راح تطلع بالبارتات الجايه؟؟
4: وهل الاحداث راح تكون مميزه وجريئه؟؟

البـــــــــارت الخامــــــــس...

((بعد مادخلت العنود صالة بيت هند))

الجازي: زين انك جيتي يامعوده...
العنود: خير شصاير؟؟
الجازي: الهنوف مادري شفيها.. غشيانه... وانا جالسه اصحي فيها ومهي راضية تصحى...
العنود جلست جنب الهنوف: الهنوف!!..... الهنوف؟؟
الجازي: قلت لك مو راضية تصحى...
العنود: زين قومي جيبي لي ماي...خلني ارشه عليها...
الجازي: انشالله..((وراحت))..
العنود: الله يهداك بس يالهنوف.. هذا وقتك يغمى عليك...
تجي الجازي: العنود... أخذي الماي...
العنود: مشكوره حبيبتي...((ورشت على وجه الهنوف شوية ماي))..
الهنوف تفتح عينها بشويش والتفت يمين وشمال: أنا ويني يابنات؟؟
العنود: حشى منتي بصاحية.. أحنا ببيت هند..
الهنوف وهي تقوم: أيــــه صح... نسيت..
العنود: شفيك.... شصار لك؟؟
الهنوف بهدوء: لا حبيبتي.. ماكو شي... بس حسيت بدوار خفيف..
الجازي: انشالله مافيك شي...
الهنوف: ليش مو مصدقتني؟؟
تقاطعهم هند: يالله يابنات تفضلوا على الطاوله...
الجازي: صار لكم ساعتين بالمطبخ وتوكم تنشبون العشاء؟؟
هند تضحك: ماعليه حبيبتي سامحينا على تأخرنا... كله من بشرى..
بشرى: وشفيها بشرى بعد؟؟
العنود: جاك الموت ياهند..ههههههههه..
هند: لا بس كنا نقول أأأأ..........
العنود: كنا نقول متى راح نعزم هند على بيتنا... قلنا نحدد يوم ونخلي بشرى تقولك...
بشرى: صدقتكم...
البنات ابتسموا والجازي قالت: الى العشا يا بنات هيا...

((تعشوا البنات وبعد ساعة قرروا يمشون))

العنود: يالله يابنات خلونا نمشي...
هند: وين رايحين تو الناس...
بشرى: الحين أخوانك يمكن يبون يدخلون البيت.. ترى أحنا زودناها الصراحة..
الهنوف: عاد زورينا ياهند..
هند: انشالله حبيبتي...
العنود: يالله نشوفك على خير..
بشرى: تصبحين على خير حبيبتي...
هند: وانتوا من أهله..
الجازي: يالله باي ياهند..
هند: باي جوجو..
((قبل لا يوصلون باب البيت دخلت أم ناصر عليهم))
أم ناصر: كيفكم يابنات؟؟
البنات: هلا خالتي..
أم ناصر: أنتوا طالعين؟؟
العنود: أيه والله طالعين... تامرينا على شي خالتي؟؟
أم ناصر: سلامتكم... بس ماقعدنا معاكم ولا شبعنا من شوفتكم...
بشرى: الجايات أكثر انشالله...
الهنوف: يالله ياخالتي الحين أحنا نستأذن...
أم ناصر: يالله حبيباتي... الله معاكم...

((وطلعوا وركبوا مع سواقهم ومشوا لبيتهم))..

هند: تو الناس يمه... ليش مانمتي في بيت جدي أحسن...
أم ناصر: والله فكرت أني أنام.. بس مايهون علّي أتركك وأترك أخوانك...
هند وهي تحضن أمها: ياعمري يايمه..الله يخليك لي انشالله..
أم ناصر: أميـــــــــــــــن..
يدخل عليهم وليد: شصاير؟؟ مشهد درامي محزن؟؟
هند تضحك وأم ناصر تقول: وانت ماتجوز من سوالفك؟؟
وليد: ماقدر... شذنبي ان الله خلقني فكاهي...
يدخل طلال: من زينك ومن زين وجهك... حلايا هالوجه...
وليد: طلول انطم..
طلال: أقول أركد...
أم ناصر: عفيه على أولادي... يالله تهاوشوا وكل واحد يجيب له سكينه ويقتل الثاني... يالله سريع..
وليد: لا يمه... أحنا ماتوصل فينا للقتل..
طلال: أيـــه.. توصل فينا للذبح..
هند: ههههههههههههههههه..
يدخل ناصر وهو يغني: ياست الحبايب ياحبيبه... يا أغلى من روحي ودمي... ياحبيبه وكل الطيبه.. الله يخليكي ياأمي..
وليد: صح لسانك نصور..
ناصر: نصور بعينك... أصغر عيالك تسميني نصور...
وليد: عادي... مطيحين الميانه...
ناصر: يمه ياقلبي أنتي... شلون تجين مع السواق وأنا موجود؟؟
أم ناصر: ماحبيت أشغلك ياقلبي أنت...
ناصر: تشغليني؟؟ الشغل يولّي بس أنتي أمي حبيبتي حياتي...
هند: الله الله بالغزل على أخر الليل...
أم ناصر: أصيل ياولدي... الله يخليك لي ويوفقك...
طلال: وأحنا يعني مالنا رب؟؟
أم ناصر: وأنتوا بعد... أنتوا شمعة هالبيت..
قصي يدخل وهو يكلم بجواله: هلا حبيبتي... لا أنا بعدين أكلمك... يالله عمري... ((ويبوس السماعة ويسكر))..
أم ناصر: وأنت مابتعقل عن سوالفك البطاليه؟؟
قصي:أوووه.. أنتي هنا ياروحي؟؟
أم ناصر: أقول لا تضيع الموضوع ورد علّي...
قصي: بعد يمه شسوي... لا شغله ولا مشغله...
أم ناصر: يعني مادورت الا بنات الناس تتسلى فيهم؟؟
هند: ياخي تزوج وفكنا..
قصي: تو الناس على الزواج..


في يوم جديد...

في بيت مشاعل...

شخصيات عائلة مشاعل...
نواس: يدرس بالخارج... كوميدي وحبوب.. وعمره 25 سنة...
مشاعل: البنت الكبرى.. فيها نوع من الكوميديا... عصبية.. طيوبه وعمرها 24 سنة..
أبرار:اخت مشاعل... طيبه.. حبوبه وعمرها 20 سنة..
سالم: أخو البنات... طيب وصايع بعض الشي... خاطب بنت خالته... وعمره 23 سنة...
أبو نواس: الأب الاعزب الذي يسعى لأرضاء أبنائه... طيب وفيه نوع من العصبية والشراسه.. وحدث مميز بيصير معاه..
.................................................. .................................................. .................................................. .....

أبرار: ماقلتيلي شلون بنات عمي؟؟
مشاعل: الحمدلله بخير... يسلمون عليك..
أبرار: الله يسلمهم... والله حسافة مارحت معاك...
مشاعل: محد قالك... حاولت فيك بس أنتي مارضيتي تقومين...
أبرار:عاد أنتي رايحه لهم من الصبح...وين تبيني أقوم...
مشاعل: قلعتك..
أبرار: زين شرايك نتصل عليهم ونطلع سوا نتسوق؟؟
مشاعل: فكرة حلوه...
((ينزل سالم من الدرج)): هاي بنات؟؟
مشاعل: هايات سالم.. على وين طالع ومتكشخ؟؟ بتطلع مع عطر؟؟
سالم: لا ماراح اطلع مع عطر اليوم... بطلع مع اصحابي شوي وبرجع...
مشاعل: اووك... انتبه على نفسك...
سالم: لاتوصين... ((وقف وقال)): يقولون رحتي بيت عمي...
مشاعل: أيــــــه... وشفيها اذا رحت؟؟
سالم: لا مو قصدي... بس بغيت أسألك اخبارهم؟؟
قبل لاترد مشاعل قاطعتها أبرار: اخبارهم ولا أخبارها؟؟
سالم: الأثنين..
مشاعل: تمام بنات عمي... يسلمون عليك...
أبرار: بسألك سالم؟؟
سالم: شنو؟؟
أبرار: نواف بيطلع معاك؟؟
سالم:مو شغلك..
أبرار: سلّم عليه وعطه بوسه نيابةً عني..
سالم: أكلي تبن..
مشاعل: ماعليك منها... الله معاك..
((وطلع سالم))
أبرار: ياحبي له هالنواف..
مشاعل: أنتي تحبينه وهو ما يحبك ولا يدري عن هوى دارك...
أبرار: بيحبني وبتشوفين...
مشاعل: انشالله... الله يسمع منك...
أبرار: حسبي الله عليك ياسالم، ياللي نسيتني اتصل على بيت عمي...
مشاعل: يالله اتصلي خلصينا...

يتبـــــــــــــــــــــــــــــــــــــــــــــــ ــــــــــــــــــــــــــــــــــع

في بيت الدلوعــــات...

((تنزل بشرى من غرفتها وتوقف على الدرج)) وتقول: عالعموم انا ناقصتني ثياب وأغراض ثانية وأبي اطلع السوق... تروحون معاي؟؟

((يقاطعهم صوت التلفون)): ترن ترن..
الهنوف: أنا أرد..((وردت)): ألووو هلا..
................:هلا الهنوف...
الهنوف بأبتسامه: أبراروه هذي أنتي؟؟ عاش من سمع هالصوت...
أبرار: عاشت ايامك حبيبتي.. اخبارك؟؟
الهنوف: الحمدلله تمام...
أبرار: بغيت اسـألك قبل لا أنسى...
الهنوف: قولي.. اسمعك..
أبرار: عندكم شي اليوم؟؟
الهنوف: ليش شصاير؟؟
أبرار: قررنا أنا ومشاعل نطلع اليوم نروح نتسوق... قلنا نقولكم عشان نطلع سوا...
الهنوف: عاد كأنكم تدرون... توها بشرى تقول ناقصتها شويه اغراض وتبي تروح السوق..
أبرار: عيل خوش... سأليهم وعطيني خبر..
الهنوف: لحظة أبرار.. بشرى تبي تكلمك....
بشرى خذت السماعه: هلا أبرار... شلونك؟؟
أبرار: هلا بشرى.. الحمدلله تمام..
بشرى: انتوا متى مقررين تطلعون؟؟
أبرار: والله ماكو وقت محدد...
بشرى: الحين الساعة كم؟؟
أبرار: الحين الساعة 2 ونص..
بشرى: عيل خلاص بعد ساعة كونوا جاهزين...
أبرار: ماشي حبيبتي..
بشرى: أبرار؟؟
أبرار: أمــري؟؟
بشرى: مايامر عليك عدو... بس بغيت أقولك اتصلي على بنات خالتك وسأليهم اذا بيروحون معانا وأحنا بنتصل على بنات خالتي بعد...
أبرار: انشالله.. يالله سلام...
بشرى صكت السماعة وقالت للهنوف: الهنوف... تعالي اتصلي على بنات خالتي وسأليهم اذا بيروحون معانا أو لا...
الهنوف: وليش ماتتصلين عليهم أنتي؟؟
بشرى بترجي: عفيه الهنوف تعالي اتصلي عليهم..
العنود: روحي يالهنوف اتصلي عليهم... فكينا..
الهنوف: راح اتصل عليهم... بس مو عشانك... عشان العنود بس...
((خذت الهنوف السماعة ودقت على بيت خالتها))

أم فيصل: ألووو... من معاي...
الهنوف: هلا خالتي عليا..
أم فيصل: هلا حبيبتي الهنوف...
الهنوف: هلا فيك ياخالتي...
أم فيصل: شلونك يابنت أختي؟؟
الهنوف: الحمدلله تمام..
أم فيصل: ليش القطاعه ياحافظ... صار لك زمان مازرتونا...
الهنوف: والله تدرين ياخالتي الأشغال وايد...
أم فيصل: بلا أشغال بلا كلام فاضي... أسبوع الجاي الغداء ببيتنا... ومابي أي أعذار على الموضوع...
الهنوف تضحك: خلاص ماشي ياخالتي... بغيت اسألك البنات موجودين؟؟
أم فيصل: كاهي شوق قبالي... تبين تكلمينها؟؟
الهنوف: عطيني اياها..
((عطت أم فيصل السماعة لشوق)): هلا الهنوف؟؟
الهنوف: هلا حبيبتي... شلونك؟؟
شوق: تمام.. أنتي شلونك؟؟
الهنوف: الحمدلله...بغيت أسألك؟؟
شوق: هلا..
الهنوف: بعد ساعة بنطلع نتسوق... تروحون معانا؟؟
شوق: أيــــه ليش لا...بس بخبر البنات ونعطيكم خبر...
الهنوف: ماشي حياتي... انتظرك...
شوق: باي...
((سكرت السماعة والعنود قالت)): هاه شقالوا؟؟
الهنوف: بتخبر البنات وبتعطيني خبر...

((بعد دقايق اتصلت أبرار وقالت ان بنات خالتها موافقين وبعدها دقت شوق وردت عليهم بالموافقة))

العنود: يالله خلونا نتجهز ماباقي شي...
بشرى: لحظة... ألا وين الجازي؟؟

البــــــــــارت الســــــــادس...

((السياره الأولى))

غاده من النافذه: شلونكم بنات؟؟
العنود: تمام ياغاده... انتي شلونك؟؟
غاده: الحمدلله.... شلونك يامشاعل؟؟
مشاعل: الحمدلله...
العنود: بلا كثرت حكي ويالله ركبي خلصينا...
غاده: لا حبيبتي... انا بركب بالسياره اللي فيها بشرى...
مشاعل: عشتوا... ليش احنا مو مالين عينك؟؟
غاده بخبث: الصراحه لا...
مشاعل: عيل طسي... مالت عليك...
غاده: يالله نلتقي هناك...
العنود: الله معاك..

((السيارة الثانية))

أبرار: ماشالله عليكم... كلكم بتركبون هذي السياره؟؟
وصايف: تدرين ليش؟؟
أبرار: ليش؟؟
وصايف: لأن بشرى بنت خالتك موجوده فيها...
بشرى بغرور: ياربيييي... شذنبي ان الله خلقني حبوبه...
أبرار: بدينا بالغرور...
غاده: بلا نجره الحين واستعدوا للطيران...
وصايف: استعدوا للطيران واربطوا الأحزمة...
البنات: هههههههههههههههههه...
بشرى: يالله امشي يارشيد...
رشيد: حاضر ماما...

((السيارة الثالثه))

عطر بصراخ: وينها هذي... شقاعده تسوي داخل؟؟
الجازي: يعني ماتعرفينها...ماتجوز عن طبايعها...
شوق: الشرهه مو عليها، على اللي ينتظرها...
الجازي: كاهي جات...
((وركب الهنوف)): السلام عليكم...
عطر: عليكم السلام والرحمة.... بدري حبيبتي، تو الناس...
الهنوف بأستهبال: من عمرك حبيبتي... ليش انا تأخرت؟؟
رغد: لا حبيبتي مو أنتي اللي متأخره... أحنا اللي متأخرين عليك...
الهنوف: أشووا... عيل يالله خلونا نمشي...

((السيارة الثانية))

بشرى: ممكن يابنات شوي تنطمون تخلوني اتكلم مع اختي العنود؟؟
غاده: خذي راحتك...
بشرى اتصلت على اختها وفتح الخط: ألووو... هلا اختي...
العنود: هلا حبيبتي...أمــــري؟؟
بشرى: بغيتكم على طريقكم تمرون على هند تاخذونها معاكم. لأن سيارتنا ماتكفي...
العنود: اووك حبيبتي... أهي جاهزة؟؟
بشرى: أيـــــه جاهزة... بس انتي اذا وصلتي بيتهم نزلي لها...
العنود: ماشي حبيبتي..
بشرى: يالله سلام...

((السيارة الأولى))

مشاعل: شفيها بشرى؟؟
العنود: مافيها شي... بس تبينا نمّر على صاحبتها وناخذها معانا...
مشاعل: زين.. هذا يدل طريق بيتهم؟؟
العنود: أيــــه يدل...((والتفتت للسواق)): عساف روح بيت هند بسرعة...
عساف: حاضر ماما...

((وصلوا لبيت هند ونزلت العنود من السياره ودقت الجرس وطلع ناصر))

ناصر: هذا أنتي؟؟
العنود: ممكن لو سمحت تنادي على اختك هند وتقول لها ان احنا وصلنا؟؟
ناصر: بس هند الحين نايمة... تعالي لها بعدين..
العنود: شلون نايمه واختي توها مكلمتها؟؟
قاطعهم صوت هند: العنود وصلتوا؟؟
العنود: أيـــه وصلنا...
هند: اووك... بس دقايق...
العنود ناظرت ناصر بأحتقار ومشت عنه...

((وبعد دقايق ركبت هند السياره ومشوا))

يتبـــــــــــــــــــــــــــــــــــــــــــــــ ــــــــــــــــــــــــــــــــــــــــــــــع

في الســــوق...

عطـر: يابنات تعالوا هذا المحل، اكسسواراته حلوه وتجنن...
بشرى: مو جايين معاك، تبين تدخلين انتي... دخلي...
عطر بصراخ: صحيح انتوا خونه، بس الشرهه مو عليكم، الشرهه عليّ انا اللي جايه معاكم..
غادة: محد ضربك على أيدك ياحلوه..
عطر: خلني أروح مع الهنوف أتمشى معاها وايد أحسن..
وصايف: أحسن لك ياختي...
عطر بكدر: يعني ماكسرت خاطركم ... ياحيوانه أنتي وياها...
بشرى: الله معاك عطر...
عطر تتوعد: مـــــاشي..
((وراحت للهنوف))..
الهنوف: هاه عطوره... شفيك مقهوره؟؟
عطر: مقهوره من أختك وأختي والبنات كلهم...
الهنوف بأبتسامة: ليش شسووا لك؟؟
عطر: قولي شاللي ماسووه...
الهنوف: أيـــه.. قولي لي شصار؟؟
عطر: عيل أقولهم خلونا ندخل محل الأكسسوارات يقولون لي دخلي أنتي لحالك، وأنا كل المحلات اللي يروحونها دخلتها معاهم..
الهنوف: ماعليــه حبيبتي، أنا أروح معاك كل محل تبينه...
عطر: ياعمري أنتي ((وباستها))..

((العنود مع مشاعل))

مشاعل وهي تجرب بلوزه عليها: شرايك يالعنود؟؟
العنود: حلوه وطالعه عليك أحلى...
مشاعل: بشتريلك وحده مثلي عشان نلبسها سوا... شنو تبين أي لون؟؟
العنود: أممممم....أبي لون الأخضر...
مشاعل: أووك...تامرين أمر..
العنود: تسلمين حبيبتي...


((شوق مع وصايف))

وصايف: تعالي شوقوه خلينا ندخل محل العطورات...
شوق: عاد تصدقين أنا ناقصتني عطورات بغرفتي...
وصايف: عيل يالله بسرعة خلينا ندخل...
((ودخلوا))
شوق: يامحمد هذي بكم؟؟
وصايف تهمس لشوق: سكتي فشلتينا هذا سعودي...
شوق: صدق؟؟ والله مادريت أنه سعودي فكرته بنغالي...
وصايف: ههههههههههههههه...
شوق: ماقلتلي يا أخ هذي بكم؟؟
البائع: هذي 210 ريال...
شوق: هذي الأصلية؟؟
البائع: طبعاً الأصلية...
شوق: انزين عطنا منها ثنتين...
البائع: حاضر..
((وحاسبوا وطلعوا))
وصايف: الصراحة اللي يجي معاك أنتي يتونس...
شوق: عيل شلون عيل..

((بشرى مع غادة))

بشرى: هذي التنوره وايد حلوه وقصيرة، خلينا ناخذ منها حقنا وحق البنات...
غادة: يعني ناخذ تنانير من غير بلايز؟؟
بشرى: راح ناخذ بلايز لونهم أبيض، وراح ندخل محل الأحذية ونأخذ لنا بوت ابيض ونطلع حركات..
غادة: ونبي كاب لونه على لون التنوره... شرايك؟؟
بشرى: أوووك خلاص...
غادة:يالله مشينا..
تدخل عليهم هند: هاه شنو اشتريتوا؟؟
بشرى: والله قررنا نشتري تنانير وبلايز وكابات وجواتي بوت حقنا كلنا..
هند: وانا شريت أكسسوارات حلوه لنا كلنا..
غادة: شنو الألوان..
هند: كل الألوان تقريباً...
غادة: شريتي لون ابيض... أو كحلي؟؟
هند: موجود..
بشرى: عيل خوش، يالله خلونا نكمل أغراضنا..


((الهنوف مع عطر))

.................: يالحلو أنت... ياقمر...عطنا وجه دخيل الله...
الهنوف: الظاهر ماحصل له طراق على وجهه بالنعال...
عطر: لحظة بس، أنا أوريك فيه...
الهنوف: تعالي شبتسوين... خليه يولّي...
عطر راحت له: أنت شفت وجهك بالأول عشان تغازل وتقول كلام حلو؟؟ روح عدّل أسنانك وبعدين تعال غازل... وجع يوجعك...
....................: شفيك علّي ...أنا كلمتك مثلاً؟؟
عطر: لا كلمت خيالي...أقول طس عن طريقنا لا تشوف شي عمرك ماشفته...
................: خوفتيني، شبتسوين يعني؟؟
عطر: أنا أوريك شنو بسوي... ((وراحت للسكوريتي وقالت له أنه هذاك الشخص يتحرش فيهم وراح له السكوريتي وطرده برا الشارع))..
الهنوف: والله أنتي مو هينه..
عطر: شنو مفكره عيل...

((أبرار مع الجازي مع رغد))

الجازي: الصراحة أنا تعبت من المشي بروح ارتاح وأكل لي شي..
أبرار: وانتي كل حياتك أكل وشرب وبس؟؟
الجازي: مو ماكله شي من الظهر.. يعني حسي فيني، الأحساس نعمة..
أبرار: انزين يالجازي... خلينا ندخل هذا المحل وبعدين سوي اللي تبغينه...
الجازي: أي محل؟؟
أبرار: محل الملابس..
رغد: أيـــه..خلونا ندخل كاهم مسوين عليه تخفيضات...
الجازي: أووك.. يالله مشينا..
((دخلوا المحل))
رغد: ياربييي...ألوان البلايز مررره كوووول..
الجازي بقهر: أنا ماتعجبني هالبلايز...
أبرار تضحك: ماتعجبك لأنها مو بمقاسك؟؟
الجازي بدلع: والله أنا رشيقه...
رغد: أيـــه واضح...
الجازي بأنفعال: بتسكتون عن التطنز ولا أطلع عنكم الحين؟؟
أبرار: خلاص، خلاص بنسكت...


((استمرت التمشية بالسوق لين الساعة 10 الليل وبعدها قرروا يمشون لبيوتهم وركبوا السيارات ومشوا))


((في السيارة الأولى))

بشرى: يابنات لا تنسون عزيمة بكره ببيتنا... ماشي؟؟
غاده: ولا يهمك يابشوره... أنا أول الحضور انشالله...
شوق: أووك حبيبتي ماراح ننسى..
بشرى: يالله نلتقي بكره انشالله...
غاده: يالله مع السلامة..
رغد - شوق: مع السلامه بشوره..
بشرى: الله يسلمكم...

((ونزلوا ودخلوا بيتهم))..


((في السياره الثانية))

الجازي: يالله حبايبي انقلعوا بيتكم ولا تنسون عزيمة بكره... مفهوم؟؟
عطر: ماراح ننسى...خلاص فكينا...
أبرار: يالله أشوفكم بكره...
الهنوف: سلمي على ولد عمي...
أبرار: يوصل...يالله سلام..
((ونزلت أبرار وبعدها نزلت عطر مع وصايف وراحت الجازي والهنوف بيتهم))


((في السيارة الثالثه))

العنود: يالله حبيبتي، سلمي على أمك...
هند: الله يسلمك حبيبتي..
مشاعل: مع السلامه هنوده..
هند: مع السلامه مشاعل...
((ونزلت هند وبعدها نزلت مشاعل وراحت العنود بيتهم))

عائلة عطـــــر..

أم نواف: ربة منزل جديره بعملها، قمه بالذوق، طيبه وعمرها 47 سنة...
نواف: شخصيته مثل شخصية سالم ولد خالته فيه حركات مو خوش شي وعمره 23 سنة..
عطر: عنيده وعصبية ودلوعه لكن قلبها أبيض، مخطوبه على ولد خالتها سالم، حلوه.. لون بشرتها برونزي وجسمها لا ضعيفه ولا متينه وطولها مناسب وعمرها 22 سنة..
وصايف: طيبه وفكاهيه، صديقة الكل.. فيها نوع من الغرور والكبرياء.. قصيرة الطول ومتوسطة الحجم وعمرها 21 سنة..
.................................................. .................................................. ........................
عائلة أم فيصل..

أم فيصل: الأم المثالية، اللي تسعى لأرضاء أولادها .. شخصيتها قويه وطيبه وعصبيه وعمرها 50 سنة..
فيصل: الشاب الملتزم ، ماعنده لا لف ولا دوران وعمره 25 سنة...
شوق: متكبره وعصبيه لكنها حبوبه، بشرتها صافيه بيضاء وطولها مناسب ورشيقه وعمرها 22 سنة..
غادة: طيبه و مزاجيه ومغروره وعمرها 21 سنة..
رغد: تاخذ كل صفات خواتها وفيها نوع من الدلع.. وعمرها 19 سنة وهي أخر العنقود...
.................................................. .................................................. .............................


البــــــــــارت الســــــــابع...

في صباح يوم جديد... الساعة 9 ونص...

العنود تدخل غرفة الهنوف وهي نايمه: يالله يابنت قعدي، كافي عليك نوم..
الهنوف وهي تحط المخده على راسها: العنود اطلعي برا وصكي الباب وراك...
العنود: مو على كيفك تطرديني، والحين بتقومين قدامي...
الهنوف وهي تحط البطانيه على جسمها : والله تعبانه يالعنود خليني أنام شوي...
العنود وهي تشيل عنها البطانيه: بتقومين الحين والله اجيب لك ماي بارد وأرشه عليك؟؟
الهنوف وهي تقوم بثقل: خلاص ، خلاص بقوم... ((تتكلم بصوت واطي ماحد يسمعه غيرها)): حتى بالنوم محاسبينا...
العنود: شفيك تتحنطبين... شقاعده تقولين؟؟
الهنوف: لا حبيبتي... سلامتك..
العنود وهي بتطلع: يالله انتظرك تحت... ((وطلعت متجهه لغرفة الجازي))..
الهنوف:تنتظريني؟؟ تحلمين الظاهر...((ورجعت نامت))..

((في غرفة الجازي))

العنود وهي جالسة فوق سرير الجازي وتهمس بأذونها: الجازي،يالله قعدي كافي عليك نوم...
الجازي وهي تقوم بهدوء: صباح الخير حبيبتي؟؟
العنود: صباح النور والسرور عليك..
الجازي: الساعة كم الحين؟؟
العنود: الساعة 9 ونص، يالله بسرعه قومي مجهزتلك خوش فطور... يعجبك!!
الجازي: ماشي حبيبتي، ألبس وأنزل..
العنود: ننتظرك.. ((وطلعت وهي متجهه لغرفة بشرى))

في غرفة بشرى...

بشرى: ودي أكون أي شخص ثاني أي شخص عابر والتقاكــ
وبسألك وش منك جاني بالمقابل شاللي جاك
انت ماتذكر حناني كيف كنت اشري رضاك
كنت أشوف العمر فاني واللي يبقالي هواكــ...
العنود: الله الله على الصوت الحلو من أول الصبح، ((ووقفت قبال أختها)): صباح الخير ياحلوه؟؟
بشرى بأبتسامة: صباح النور...
العنود: شهالزين، شهالحلاة من الصبح؟؟ صايره ملكــــه جمال السعوديه...
بشرى: عاد ملكة جمال السعودية مرة وحده؟؟
العنود: مو بس السعوديه، الا ملكة جمال العالم كله...
بشرى: الصراحه حرجتيني...
العنود: يالله ياحلوه الفطور جاهز..ننتظرك تحت...
بشرى: يالله جايه وراك... ألا بسألك، خواتي جلسوا؟؟
العنود: الجازي جلست بس الهنوف مادري عنها...
بشرى: ليش ماجلستيها؟؟
العنود: جلستها.. يعني ماتعرفين حركات أختك؟؟
بشرى تبتسم والعنود بادلتها نفس الابتسامة وطلعت...

على طاولة الطعام..

العنود: أختك ماجلست؟؟
الجازي: منو.. أي وحده فيهم؟؟
العنود: الهنوف يعني فيه غيرها...
الجازي: لو جلست بتشوفينها جالسه معاي..
العنود: أنا شفت بنات عنيدات وايد، بس نفس هالبنت ماشفت...
الجازي: الظاهر يدها كان زبال...
العنود: أستحي على وجهك، عيب عليك...
الجازي: ههههههههههههههههه... عادي الحياة حلوه وسعيده...
((تنزل بشرى وتتجه لهم)): على شنو الضحك، ضحكوني معاكم...
الجازي: على أختك الهنوف...
بشرى: ليش .. شفيها؟؟
العنود: مافيها شي بس قاعدين نضحك عليها...
الجازي التفتت لبشرى وقالت: طالعة قمر ياقمر...
بشرى: مشكوره حبيبتي..من ذوقك..
الجازي: هذي شاريتها البارح من السوق؟؟
بشرى: أيــــه من السوق..
((تنزل الهنوف وتتجهه لهم)): صباح الخير بنات... الله حيهم...
العنود: تو الناس، بعد ليش قاعده؟؟
الهنوف: والله حبيبتي أنا فكرت أني ما أقعد.. بس عشانك قعدت...
الجازي: سبحان الله ، من وين نازل عليك الأدب والطاعة؟؟
الهنوف: أدب ولا رياضيات..
العنود: لا وأنتي الصاجه كيمياء وأحياء..
بشرى: أحياء ولا أموات...هههههههههههه..
الهنوف تضحك: حلوه يابشرى، بس لاتعيدينها...
بشرى: أسمعوا يابنات... عندي لكم خوش خبر..
العنود: شنو؟؟
بشرى: من اليوم ورايح راح تنادوني بأسم ((المها))...
الهنوف: مبـــروك، مبروك..مابغت تولد حليمه!!
الجازي: وأنا أقول هالكشخه وهالأبتسامة اليوم مو لله، لازم وراها شي...عالعموم مبروك..
العنود: حبيبتي مبـــروك..
بشرى: الله يبارك فيكم...
العنود: ألا بسألكم... حق العزيمه اليوم بتشترون من برا أو أحنا بنسوي الأكل؟؟
بشرى: خلونا نشتري من برا أحسن.. والله شرايكم يابنات؟؟
الهنوف: أيـــه من برا وايد أحســـن...
العنود: خلاص ماشي...
الجازي: روحوا اتصلوا عليهم وذكروهم، هذول ينسون بسرعة...
بشرى: هذي مهمة الهنوف مو مهمتنا...
الهنوف: أنا مالي شغل مو كل شي عليّ أنا...
بشرى: أنتي بتتصلين عليهم مو بتروحين لهم بيوتهم...
الهنوف: أوووف... خلاص الحين بتصل عليهم...
((وقامت ومسكت التلفون واتصلت على بيت مشاعل))..
الهنوف: ألووو...
.............: هلا..منو معاي؟؟
الهنوف: عمي؟؟ هذا أنت؟؟ أخبارك، شعلومك، عساك بخير؟؟
بو نواس: والله الحمدلله...
الهنوف: أدري أنك ماعرفتني.. أنا الهنوف..
بونواس: تعلميني فيك، أدري أنك الهنوف...
الهنوف: من اللي جنبك من البنات؟؟
بو نواس: جنبي أبرار..تبينها؟؟
الهنوف: عطني أياها..
بو نواس وخر السماعه عنه ومدها لبنته أبرار: هلا الهنوف..
الهنوف: هلا أبرار... كيفك؟؟
أبرار: الحمدلله.. أنتي شلونك؟؟
الهنوف: تمام حبيبتي... بغيت أذكركم بعزيمة الليلة بس..
أبرار: لا تخافين أحنا مو ناسين...
الهنوف: أجل يالله طسي..
ابرار ضحكت: يالله باي..
((وسكرت منها))..
الهنوف دقت على بيت خالتها وردت عليها غاده: السلام عليكم...منو معاي؟؟
الهنوف ضحكت: حلوه هذي السلام عليكم...
غادة: هذا أنتي؟؟
الهنوف: أيـــه أنا...
غادة: خير شتبين متصله من الصبح؟؟
الهنوف: أنا مو متصله على سواد عيونك.. أنا متصله عشان أذكركم بعزيمة الليله...
غاده: تبين شي ثاني؟؟
الهنوف: وجع.. شهالنفس الخايسه من الصبح...
غاده: يالله باي..
الهنوف: باااااايااااااااات..
((وسكرت منها ودقت على بيت عطر بيت خالة مشاعل ورد عليها نواف: هلا.. مين معاي؟؟
الهنوف بأرتباك: ألووو، هلا..
نواف: هلا حبيبتي .. أمري؟؟
الهنوف وخرت السماعه عنها وقالت: من متى حبيبتك؟؟ ((ورجعت السماعه)): موجوده عطر؟؟
نواف: منو أقولها؟؟
الهنوف: قول لها الهنوف...
نواف: انتظري لحظة...
ونادى على أخته عطر وقال: عطـــر وينك؟؟
عطر: شتبي تصارخ؟؟
نواف: التلفون حقك..
عطر: منو؟؟
نواف: وحده أسمها الهنوف.. صوتها جهنمي...
عطر: أقول أستح على وجهك وعطني السماعة ((وعطاها السماعه )): ألوو هلا الهنوف..
الهنوف: تو الناس تجين تردين..
عطر: ماعليه حبيبتي.. سامحيني...
الهنوف: بس حبيت أذكركم على الليله...
عطر: ماعليه حبيبتي...
الهنوف: يالله وسلمي لي على وصايف معاك...
عطر: الله يسلمك، يالله باي..
((وسكرت منها))
العنود: هاه بيجون أو لا؟؟
الهنوف: بيجون لا تخافون...
بشرى: عيل خلني أتصل على هند...
((اتصلت على هند وخبرتها وسكرت منها))

فجأة يطرق جرس الباب...

العنود: منو اللي جاي لنا من الصبح؟؟
بشرى: علمي علمكم..
الجازي: عساه خير بس..
وقاموا البنات وفتحوا الباب وتفاجأو من اللي كان واقف...

يتبـــــــــــــــــــــــــــــــــــــــــــــــ ـــــــع..

منو تتوقعون اللي جاي؟؟، وشنو يبي؟؟

البــــــــــارت الثامـــــــن...

البنات: خــــــــالي؟؟!!
الخال تركي: أيـــه خالكم... شفيكم متفاجئين؟؟
البنات: لأن صار لك زمان مازرتنا...
الخال:من اليوم ورايح راح تشوفوني كل يوم...
العنود: خير انشالله؟؟
الخال: يعني بنتكلم عند الباب؟؟
الهنوف: أسفيـــن خالي... تفضل!!
((ودخل وقبل لا يجلس على الأريكه)) قال: أخباركم يابنات أختي؟؟
بشرى: والله الحمدلله.. نسأل عنك...
الخال: لو تسألون صج كان دقيتوا عليّ أو زرتوني...
الجازي: والله تدري ياخالي مشاغل هالدنيا...
الخال: ألا أبوكم ما جا من السفر؟؟
العنود: لا والله لين الحين ماجا وصار له شهر ماأتصل علينا...
الخال: يالله.. الله يرجعه بالسلامه...
البنات: انشالله...
الهنوف: هاه شعندك زايرنا؟؟..أكيد وراك شي...
الخال: وأنتي ماتغيرتي عن أسلوبك الخايس مع الناس؟؟
الهنوف: هذا سيفوه وهذي خلاجينه... والحين لاتضيع الموضوع وقول أخلص شعندك جاي؟؟
الخال: والله قررت أخطب لولدي نايف وقلت ماكو ألا بنات أختي يدورون له على عروس من معارفهم...
وقفوا البنات وحطوا أيدهم على خصورهم وقالوا بصوت واحد بأنفعال: ليش.. أشتغلنا خطابات مثلاً؟؟
الخال: أنا مو قصدي...
العنود: عيل شنو قصدك ياخالي؟؟
الخال: يعني اللي نعرفه أحسن من اللي مانعرفه...
بشرى: مدام كذا... خلاص أنا عندي لك خوش عروس وتناسب ولدك نايف، بس أنت خل كل شي عليّ...
الخال: يعني خلاص اعتمد عليكم؟؟
بشرى: أعتمد ياخالي..
الخال: يالله عيل أنا استأذن...
الجازي: وين رايح ياخالي تو الناس...حتى ماشربت شي...
الخال: مره ثانيه حبيباتي... يالله سلام..
العنود: سلام خالي..
((وطلع الخال من البيت))

الهنوف تلتفت على اختها بشرى قصدي المها وتقول: ماتقولين لي منو البنت اللي بتخطبينها لولد خالك؟؟
المها: ماراح تصدقون؟؟
العنود: منو أهي؟؟


منو العروس اللي بيخطبونها حق نايف؟؟



في الليل...

الهنوف: يابنات... باركوا لبشرى على أسمها الجديد ((المها))..
وصايف: سويتيها وغيرتيه؟؟
المها: أفا عليكم بس..
عطر: مبروك يالخبله..
المها: الله يبارك فيك ياغبيه..
غاده: مبروووك...
شوق: مبروك يالمها..
رغد: مبروك حبيبتي..
المها: الله يبارك فيكم..
مشاعل: والله أنتي حماره.. أبي أعرف سبب واحد بس، أسم بشرى شنو فيه؟؟
المها: مافيه شي..بس أسم على غير مسمى..أنا بشرى؟؟ ماشفت البشرى...
أبرار: هههههههههههههههههههه،، وأنتي كل سؤال عندك له جواب؟؟
المها: مايهزني ريح...
قاطعتهم العنود: يالله يابنات.. تفضلوا على الطاوله...

((تعشوا وخلصوا وجلسوا عند التلفزيون وشاهدوا فيلم))..

وصايف وهي تدمع عيونها: والله كسرت خاطري البطله مسكينه...
عطر: ترى هذا تمثيل مو صج...
المها: بس هذا شي من الواقع...
أبرار: هذا هم هالرجاجيل يكلمون وحده ويعلقونها فيهم وبعدين يرمونها مثل رمية الكلاب...
غادة: أي والله صدقتي..
مشاعل: على طاري الرجاجيل، ذكرتوني... شهر الجاي ملكتي وسفري..
العنود: يعني تطبقون المثل اللي يقول: خير البر عاجلُ..
مشاعل: أيـــه بالضبط..
شوق: عالعموم مبروك مقدماً...
مشاعل: الله يبارك فيك..
رغد: مبروك شوشو..
مشاعل: الله يبارك فيك حياتي... الفال لكم..
البنات: أميــــــــــــــــن...

((واستمروا جالسين يشاهدون التلفزيون ويسولفون لين شبعوا وبعدها كل وحده راحت على بيتها))..



أسئلتي الماضيه...

منو العروس؟؟
ومنو ذكرى؟؟
ومنو شخصياتنا الجديده اللي راح تطلع؟؟

البــــــــارت التاســـــــع...

في بيت ذكـــــرى...

ذكرى وهي تفتح الباب: العنود؟؟
العنود: هلا حبيبتي.. الحمدلله على السلامه؟؟
ذكرى: الله يسلمك حياتي...((وتباوسوا بالخد))..
العنود: اخبارك؟؟
ذكرى: الحمدلله تمام.... تفضلي حياتي...

((دخلوا وجلسوا على أحدى الأريكات))...

العنود: علميني أخبار السفره؟؟ وشنو سويتي فيها؟؟
ذكرى بدون نفس: السفره زفت ولله الحمد..
العنود بأستغراب: ليش؟؟
ذكرى: مادريتي؟؟
العنود: شنو؟؟
ذكرى: تطلقت...
العنود: هاه؟؟


في بيت أم فيصل..

غاده: مامــــي..
أم فيصل: شفيك؟؟ شتبين؟؟
غاده: محتاجه فلوس..جيبي يصفّر...
أم فيصل بأنفعال: أنا مو أمس عطيتك 1000 ريال؟؟ على شنو صرفتيهم؟؟
غاده: تدرين الحين كل شي غالي وال 1000 ماسوت لي شي...
أم فيصل:............................................
غاده: ألحين يمه بتعطيني أو لا؟؟
أم فيصل: كاهي المحفظة فوق الطاوله، أخذي منها المبلغ اللي تبينه... بس هاه!!
غاده: شنو؟؟
أم فيصل: مو تجيني بكره وتقولين لي تبين بعد، ألا بعد شهر...
غاده بأبتسامه: حاضر يمه، ياست الكل أنتي...
((وتركب الدرج متجهه لغرفة أختها شوق))..

في غرفة شوق...

شوق جالسه عالمسن تكلم واحد...

"" أبيك أقرب من أنفاسي"" >>>هذا كان التوبك حقها..
بأستهبال: هلا حبيبي..

""سر حبي فيك غامض""
هلا ياقلبي وروحي وعمري أنتي...

"" أبيك أقرب من أنفاسي""
قبل لاتكتب: ويـــــع، هذا من صجه؟؟

((تدخل غاده خطوه خطوه بدون صوت وتمسك كتف أختها بالقوه وتقول)): شقاعده تسوين؟؟
شوق مخترعه: بسم الله... شفيك خرعتيني...
غاده: أسفه..
شوق: بعد ماخرعتيني تتأسفين؟؟
غاده: شقاعده تسوين... قولي لي؟؟
شوق: قاعده أكلم واحد خبل بالمسن...
غاده تلتفت على الجهاز وتقول: كاهو يقولك وينك...
شوق رجعت للمسن وكتبت..

"" أبيك أقرب من أنفاسي""
معاك حياتي..

"" سر حبي فيك غامض""
تدرين حبيبتي أني مشتاقلك موت...

غاده بضحه: الأخــو مشتاق..
شوق: ماخذ على نفسه مقلب أني أحبه...
غاده: كتبي ، كتبي له وأنا بعد مشتاقه...

"" أبيك أقرب من أنفاسي""
وأنا بعد مشتاقه لك بالحيل...

"" سر حبي فيك غامض""
زين ياقلبي متى راح أشوفك؟؟

غاده: بعد؟؟ صار فيها شوفات وطلعات؟؟

"" أبيك أقرب من أنفاسي""
انشالله قريب حياتي...

غاده: من صجك أنتي؟؟
شوق: وأنتي صدقتي.. هذا اللي ناقصني بس...

"" سر حبي فيك غامض""
زين خليني أشوفك عالكام دقايق..

"" أبيك أقرب من أنفاسي""
والله الكام خربانه بجهازي، بس أوعدك أذا طلعت اليوم السوق أخذه معاي وأصلح الكام عشانك بس...

"" سر حبي فيك غامض""
ياعمري أنتي...

""أبيك أقرب من أنفاسي""
حبيبي... أمي تناديني الحين، لازم أسكر الجهاز...

"" سر حبي فيك غامض""
زين متى بتفتحينه مره ثانيه؟؟

"" أبيك أقرب من أنفاسي""
أنشالله بالليل... يالله الحين... سلام..

"" سر حبي فيك غامض""
باي قلبي...

شوق قبل لاتسكر الجهاز حطته بلوك...
غاده: زين سويتي...
شوق: بس والله أنهم وناسه...
غاده: والله لو يدري عنك أخوي فيصل بيكسر الجهاز فوق راسك...
شوق: وأهو شدراه يعني... ألا أذا أنتي قلتيله...
غاده: لاتخافين ماراح أقوله..... نسيت أقولك!!
شوق: قولي...
غاده: أمي توها عاطيتني فلوس...
شوق: مره ثانيه؟؟
غاده: أيــــه مره ثانيه...
شوق: أنا أبي اعرف شي واحد أنتي وين تودين فلوسك؟؟
غاده: الأسعار الحين نار كلها غاليه...
شوق: حتى ولو... زين أنتي خفي شوي وخفي على أمي المسكينه...
غاده: والله كسرت خاطري أمي يوم قلتلها مره ثانيه أبي فلوس...
شوق: كسرت خاطرك لاتطلبين منها...


نرجع لبيت ذكرى...

ذكرى: وهذي كل القصة...
العنود: زين ليش ماتفاهمتي معاه؟؟
ذكرى: هذا مو مال أحد يتفاهم معاه...
العنود: زين الحين شبتسوين؟؟
ذكرى: أبنتظر لين أنتهي من العدّة وبعدها راح أدور لي على واحد جديد..
العنود: أنتي من صجك؟؟
ذكرى: أجل أمزح معاك؟؟
العنود: أكيد أنتي مو صاحيه...
ذكرى: الحين خلينا من سالفتي وعوار الراس.. وقولي لي!!
العنود: شقول لك؟؟
ذكرى: ما أنخطبتي؟؟ ماجاك نصيبك لين الحين؟؟
العنود: من وين بيجي النصيب... هذا أنا راح أصّك الثلاثين وأنا للحين ماتزوجت ولا عيلّت...
ذكرى: تبيني أدور لك على واحد؟؟
العنود: لا ياحلوه مابي من معارفك...
ذكرى: ليش شفيهم معارفي؟؟
العنود: معارفك، اللي مطلق واللي ماخذ على زوجته وحده ثانيه واللي مريض واللي أرمل... والى اخره...
ذكرى: أنا اقترحت عليك وأنتي بكيفك...
العنود بضحكه: خلي اقتراحاتك حقك... يالله أنا استأذن الحين..
ذكرى: وين تو الناس...
العنود: أنا تأخرت على خواتي، والحين لازم أروح...
ذكرى: أجل.. فمان الله..
العنود: مع السلامه حبيبتي...

((وطلعت العنود من الباب والتقت بواحد توه داخل طنشته وراحت))...

ذكرى: جيت ياجسار؟؟
جسار: أيــــه توني جاي..
ذكرى: تبيني انشب لك الغدا؟؟
جسار: أنتي تغديتي؟؟
ذكرى: أيــــه الحمدلله..
جسار: أجل أنا بروح أرتاح شوي بغرفتي ولما أجوع بروح أكل...
ذكرى: ماشي...على راحتك..
جسار: ألا بسألك؟؟
ذكرى: هلا..
جسار: هذا رفيجتك اللي توها طالعه؟؟
ذكرى: أيـــه.. شرايك فيها؟؟
جسار: ليش أنا شفتها من قبل عشان أقولك رايي فيها؟؟
ذكرى بضحكه: اذا عزمت ترى أهي جاهزه..
جسار طنشها وركب لغرفته...


في بيت الدلوعات...

المها كانت تذاكر والهنوف كانت تناظر التلفزيون ومرفعه الصوت...

المها بضيق: الهنوف؟؟ ممكن تنزلين على الصوت شوي؟؟
الهنوف مطنشتها...
المها: الهنوف أنا قاعده أكلمك...
الهنوف: أسمعك.. بس ماني راده عليك...
المها: نزلي عالصوت شوي خليني أذاكر..
الهنوف: روحي غرفتك وذاكري...
المها: ماحب أذاكر وأنا لحالي...
الهنوف: عيل تحملي اللي يجيك...(( ورفعت على الصوت زياده))..
المها: تعاندين يالهنوف؟؟
الهنوف طنشتها مره ثانيه والمها انقهرت من حركتها وقامت وخذت الريموت وطفت التلفزيون...
الهنوف: شسويتي ياحماره؟؟
المها: عشان تعرفين تعاندين مره ثانيه..
الهنوف بأنفعال على شويه هدوء: المها عطيني الريموت..
المها: مب عاطيتك أياه ورويني شبتسوين...
الهنوف: عطيني الريموت بالطيب أحسن لك لا بتشوفين شي عمرك ماشفتيه...
المها: خوفتيني...
الهنوف راحت وخذت كاس ماي وكبته على كتب أختها المها...
المها بصراخ على حزن: ياحيوانه ليش سويتي كذا؟؟
الهنوف: أنا حذرتك بالأول...
((تدخل العنود من الباب)): شفيكم صوتكم واصل للشارع؟؟
المها: شوفي أختك شسوت بالكتب حقي...
الهنوف: أهي اللي بدت بالأول..
العنود: حركاتكم مثل الأولاد الصغار..ماراح اناقشكم الحين لأن راسي يعورني وبروح ارتاح،، ولم أكون فاضيه لكم بتفاهم معاكم...

((استغربت كلا من الهنوف والمها على أختهم.. لأن هذي أول مره ماتجادلهم))...

البـــــارت العاشــــــر....

بعد شهـــر..

في بيت مشاعل...

المها: والله راح نشتاقلك...
مشاعل: وأنا بعد راح اشتاقلكم وايد...
عطر: تروحين وترجعين بالسلامه...
مشاعل: الله يسلمك حبيبتي...
الجازي: ياخايسه راح افقدك...
مشاعل: أنتي الوحيده اللي راح أشتاق لك كثير...

"" يالله يامشاعل زوجك ينتظرك""

مشاعل: يالله جايه يبه...
العنود: يالله حبيبتي مع السلامه..
مشاعل: مع السلامه...

((وتوادعوا بالقوه وحضنوا بعض وقبل لاتطلع مشاعل))

بكدر:""يهون عليك تروحين ولا تودعيني""

مشاعل ركضت لها وحضنتها بقوه: لا حبيبتي مايهون عليّ ما أودعك...
أبرار: أنتبهي لنفسك حبيبتي، ولا تنسين.. كل ساعه وكل دقيقه أبي أشوف اتصال منك...
مشاعل بأستظراف: راح تخسريني وايد على المكالمات...
أبرار: مو شغلي...
مشاعل: ماشي حبيبتي... يالله أستودعكم الله...
البنات: يالله باي.. تروحين وترجعين بالسلامه...

((طلعت مشاعل وودعت أبوها وركبت السياره وتوكلوا على الله))

.................................................. .................................................. ......................
أنسوا مشاعل بهذي الأيام لأن ولا مشهد راح نشوفها فيه لين ماترجع من السفر، راح تفهمون قصدي بعدين..
.................................................. .................................................. .............................................


بعد أسبوع جديد...

في بيت أم فيصل وهي قاعده تشرب شاهي بالصاله...

((يدخل عليها فيصل)): السلام عليكم..((وباسها فوق راسها)).
أم فيصل: وعليكم السلام ياولدي... تحب الكعبه انشالله...
فيصل: أبي أفاتحك بموضوع يمه...
أم فيصل بأستغراب: خير يمه؟؟شصاير؟؟
فيصل بهدوء: خير، خير.... يمه أنا ابي أكمل نصف ديني واتزوج على سنة الله ورسوله...
أم فيصل بفرح: هذي الساعه المباركه ياولدي...((بعد مده)):حاط عينك على وحده ولا أنا أدور لك؟؟
فيصل: تدرين يايمه أنا مو مال هالسوالف، فأبيك أنتي تدوريلي على وحده من معارفك...
أم فيصل: شنو المواصفات اللي تبيها ببنت الحلال؟؟
فيصل: أهم شي تكون خلوقه وطيبه وراعيه دين ومايهمني إن كانت جميله.. لأن الجمال جمال الروح مو جمال الوجه...
أم فيصل: لقيتها... ماكو غير أحلام بنت جيرانا، ماشالله عليها كامله والكامل الله...
فيصل: أجل توكلي على الله...


في بيت بو نواس >>ابو مشاعل..

أبرار بعجب وأنفعال: بتتزوج؟؟
بو نواس: ليش حرام اذا تزوجت؟؟
أبرار: أنت عمرك ما فكرت بهالموضوع، ليش الحين طرا عليك؟؟
بو نواس: والله أنا كنت أنتظر لين ماتتزوج مشاعل وتروح بيت زوجها وأفتح الموضوع...
أبرار: ومن قالك راح أوافق على أنك تجيب لنا وحده تحل مكان أمي بالبيت...
بو نواس: عالعموم أنا قررت وماراح أتراجع عن قراري، وزواجي اسبوع الجاي يوم الخميس...
أبرار: أتاريك جاهز ومخلص بعد..
((يدخل عليهم سالم)): هاااااي...
أبرار: تعال ياسالم تعال أسمع أبوك شقاعد يقول...
سالم: أبوي؟؟ شنو يقول؟؟
أبرار: أبوي بعد هالعمر يبي يتزوج...
سالم: صج؟؟ بالمبارك يبه...
أبرار بأستغراب: تباركله بدل ماتعارضه...
سالم: أعارضه؟؟ ليش اعارضه؟؟ لا هو أول واحد ولا أخر واحد أنه يتزوج بهالعمر...
بو نواس: عفيه عليك ياولدي، هذا الكلام الصح...
سالم: تربيتك يبه...((ومد ايده على أبوه يعني يبي فلوس))..
بو نواس: أه يالمعلون، لازم مصالح؟؟
سالم: لازم يبه...

شاللي راح يصير مع أبرار و مرت الابو والأبو؟؟



في بيت الدلوعات...

العنود بأبتسامه: يابنات ، يابنات، دريتوا بأخر الأخبار؟؟
الهنوف: شصاير؟؟
العنود: ولد خالي فيصل وعمي بو نواس بيتزوجون...
الجازي: عمي بو نواس؟؟ من صجك؟؟
العنود: والله توها أبرار مكلمتني وهي تبكي وقالت لي...
بشرى ببرود: واذا تزوج يعني... انخسفت الارض؟؟
الجازي: شي يضحك أن عمي بيتزوج بعد هالعمر...
العنود: الشياب يتزوجون وأنا حتى نص شيبه ماجا يخطبني...
الهنوف: حلوه هذي نص شيبه...
بشرى: على طاري الزواج ذكرتوني أتصل على خالي وأقوله يمّر علينا الليله عشان نروح نخطب لولده...
العنود: ماشالله عليهم.. الكل راح يتزوج بهذا الأسبوع..
الهنوف: الفال لنا انشالله..
العنود: الله يسمع منك..

((اتصلت بشرى أو المها على خالها وحددوا الوقت عشان يروحون يخطبون حق ولده))..


يتبـــــــــــــــــــــــــــــــــــــــــــــــ ــــــــــــــع

في الليل...

((توجهوا البنات مع خالهم وولده الى بيت العروس وبعد ماوصلوا طقوا الجرس وفتحوا لهم الباب ودخلوا الرجال المجلس ودخلوا الحريم لصالة البيت))

ام ناصر: حياكم الله حبايبي...
العنود: الله يحييك خالتي...
بشرى: الا وين عروستنا؟؟
ام ناصر: منو تقصدين.. هند؟؟
بشرى: وأنتي عندك بنت غيرها؟؟
أم ناصر تضحك: بغرفتها قاعده...
بشرى: أجل خليني أروح لها...
((قبل لاتركب بشرى الدرج نزلت هند وهي تقول)): مايحتاج تركبين هذاني نزلت...
بشرى: أشوا انك نزلتي لأني مالي خلق أركب...
هند: خير انشالله.. شهالزياره المفاجئه؟؟
بشرى: أحنا جايين لكم اليوم عشان نخطب هند حق ولد خالي نايف...
هند انصدمت وصار وجهها مثل الطماطا وردت أم ناصر: هذي والله الساعه للمباركه ، وماراح نلقى أحسن من عيلتكم نناسبها...
العنود: خلاص يعني موافقين؟؟
ام ناصر: الراي الأول والأخير لهند مو لي أنا....
الهنوف: هاه ياهند شقلتي...موافقه أو لا؟؟
هند استحت وركبت مسرعه لغرفتها وقالت الجازي: خجلتوا البنت...
بشرى: خلني الحقها بسرعه وأشوف شرايها...عن أذنكم!!

في المجلس...

ناصر: والله ماراح نلقى أحسن من نايف حق أختنا...
الخال تركي: يعني نقول تم؟؟
ناصر: أول نشاور البنت وانشالله بأقرب وقت نعطيكم خبر...
الخال تركي: خذذوا راحتكم... يالله الحين أحنا نستأذن...
ناصر: وين تو الناس... أشربو لكم شي عالأقل...
الخال: نشرب انشالله بيوم العرس...
ناصر: الله يكتب اللي فيه الخير...
الخال: أميـــن يارب العالمين... يالله تصبحون على خير...
ناصر: وأنتوا من أهله...
الخال: يالله مع السلامه..
ناصر: مع السلامه...

في غرفة هند...

بشرى: هاه شقلتي...موافقه أو لا؟؟
هند: زين عطوني مهله أفكر فيها على رواق...
بشرى: الحين أنتي موافقه أو لا؟؟
هند: ماقدر أقرر الحين...
بشرى: أوك عيل، أسبوع كافي تفكرين فيه؟؟
هند: انشالله..
بشرى: يالله حبيبتي مع السلامه...
هند: مع السلامه...

((ونزلت من غرفة هند وعلى طول للسياره ومشوا بعدها))..

ناصر يدخل الصاله: يمـــه؟؟ وين هند أختي؟؟
أم ناصر: بغرفتها مستحيه...
قصي: على شنو مستحيه..لا هي أول وحده ولا أخر وحده يخطبونها..
أم ناصر: لم تروح وتطلع من هالبيت بعدين راح تقولون وحشتنا أختنا...
قصي: يابعد عمري ياختي...
ناصر: أنا بروح لها الغرفة وأكلمها شوي.. مابي أحد يقاطعنا...
أم ناصر: انشالله..

((وركب ناصر لغرفة اخته وطق الباب ودخل))..

هند: هلا ناصر...
ناصر: هلا حبيبتي...
هند: خير انشالله...
ناصر: أنا جايك عشان أفاتحك بالموضوع اللي تو صاير، وابي اعرف رايك بالموضوع..
هند: ماقدر أقرر الحين ياخوي، انشالله راح أسوي استخاره واللي كاتبه الله انشالله بيصير...
ناصر: أوووك حبيبتي، على راحتك.. يالله تصبحين على خير...
هند: وأنت من أهله...

((وطلع وتركها بفكرها وبالموضوع اللي شغل كل تفكيرها من هاللحظه))..


ياترى راح توافق؟؟ وهل اذا وافقت راح تعيش حياة سعيده؟؟

البــــارت الحادي عشر...

شخصيات راح تظهر:

احلام: عمرها 23 سنة شخصيتها شريره ونصابه وتميل الى الكوميديا لكن ماتظهر شخصيتها الخبيثه قدام الناس..
سؤالي/ هل راح تظل كذا على طول؟؟

حنان: عمرها 29 سنة، شخصيتها ماراح أقولها راح أخليها مفاجئه... وهي راح تكون زوجة بو نواس...
سؤالي/ هل شخصيتها طيبه أو شريره؟؟



توقعاتكم لهذا البارت المثير والمشوق...

انتظــــــــــــــــــرونا...

في جناح فيصل المستقل اللي بنفس البيت اللي عايش مع أمه وخواته..

احلام: هلا حبيبي.. رجعت من المسجد؟؟
فيصل: الحمدلله....انتي صليتي؟؟
احلام بربكه: هاه... أيه توني قبل لاتدخل مخلصه من الصلاه...
فيصل: غفر الله لك..
احلام: لنا ولك...
فيصل: أنا راح أنام شوي وقبل صلاة المغرب جلسيني...ماشي؟؟
أحلام: تامرني بشي ثاني؟؟
فيصل: سلامتك..
احلام وهي تكلم نفسها: نومه بلا قعده..قول أمين..
فيصل: شقلتي يا أحلام..
أحلام بأرتباك وهي تحرك بشعرها وشويه ابتسامه: أقول نوم العوافي حبيبي..
فيصل: الله يعافيك...
احلام: انا راح أنزل تحت مع الأهل...
فيصل: على خير...

((وطلعت احلام من الجناح متجهه لصالة البيت اللي كانوا قاعدين فيها شوق وغاده ورغد))..

احلام: شقاعدين تشاهدون يابنات؟؟
رغد: والله ماكو قاعدين نطالع هذا المسلسل...
احلام: الحين الساعه كم؟؟
غاده: الساعه 4 وربع...
احلام: عيل حطوا قناة ام بي سي فيها مسلسل تركي عجيب يحكي عن الحرب...
شوق: لا مانبيه، انا شفته حلقه وحده لاعت كبدي...
احلام بدون نفس: على راحتكم...

((دخلت ام فيصل من المخزن وبحامله بأيدها كرتون فيه أغراض))..

غاده: تبين مساعده يمه؟؟
ام فيصل: لا حبيبتي خلك جالسه...
احلام وهي تتكلم بقلبها: انشالله الحين تطيحين وتتكسرين ياعجوز النار...

((ماتتوقعون شصار ... تعرقلت ام فيصل وطاحت واحلام ضحكت على خفيف وانتبهت لها شوق وكتمت ضحكتها))..

غاده: مو قايلتلك يايمه خليني اساعدك...
شوق: وانتي يايمه ياشايله ياحاطه بهالكرتون؟؟
ام فيصل: بعد شسوي يابنتي...
احلام: سلامات عمتي، عسى بس ماتعورتي ولا صار لك رضوض ولا كسور؟؟
شوق: الكسور انشالله بعدوينها واللي يكرهونها...
احلام حست ان شوق تقصدها وردت: انشالله...


في بيت بو نواس...

بو نواس: هلا، نورتي بيتك يالغاليه...
أبرار تكلم روحها: صار بيتها بعد؟؟
حنان: منور بوجودك حبيبي...

((دخلت وتوجهوا لين ما أبرار كانت قاعده))..

بو نواس: هذي بنتي أبرار...
حنان: هلا أبرار شلونك؟؟ ((مدت أيدها تبي تسلم عليها))..
أبرار مامدت ايدها وراحت لغرفتها بسرعه...
بو نواس بحرج: ماعليه حبيبتي، للحين ماستوعبوا زواجي منك مع الايام بيتعودون...
حنان: اتمنى هالشي...
بو نواس: أمشي خليني أرويك باقي البيت والغرف...
حنان بأبتسامه: يالله...


في بيت هند...

هند تنزل وتتجهه للصاله لأمها: يمه؟؟
ام ناصر: خير يمه؟؟
هند: يمه أنا وصلت لقرار على الموضوع...
ام ناصر: شنو قرارك.. يالله بشريني...
هند: يمه أنا...............
ام ناصر: انتي شنو؟؟
هند: أنا مو.......................



في بيت الدلوعات...

((يرن التلفون بالصاله)): تررن، تررن، ترررن...

الهنوف: يعني انتوا شفيكم ماتسمعون التلفون صار له ساعه وهو يرن؟؟
بشرى: نسمعه,,,بس هذي وظيفتك...
الهنوف وهي تمسك خصرها: ياسلام.. حلوه هذي وظيفتك...
بشرى: ردي، ردي على التلفون قبل لايسكرون...
الهنوف راحت للتلفون وردت: ألووو....هلا... شلونك.... والله الحمدلله....صج؟؟.... مبروك، مبروك.... خلاص ماشي... يالله مع السلامه...

بشرى: منو هذا اللي تقولين له مبروك؟؟
الهنوف: ماراح أقولك، موتي قهر...
بشرى: يالله هنوفوه لاتصيرين عنيده...
الهنوف: ماراح اقولك يعني ماراح اقولك...
بشرى: براحتك...
الهنوف بفرح: هند وافقت...
بشرى التفتت عليها: احلفي؟؟ الف الصلاة والسلام عليك ياحبيب الله محمد...
الجازي: كككككللللووووووووشش... يالله سريع روحوا خبروا خالي ونيوف وخله يعطينا للبشاره...
بشرى: طيـــــــــــران...


قبل صلاة المغرب...

احلام: حبيبي يالله قوم ماباقي شي على الصلاة...
فيصل: مساء الخير..
احلام: مساء النور...
فيصل: كم باقي على الصلاه بالضبط؟؟
احلام: باقي نص ساعه...
فيصل: اجل يمديني اخذ لي دش..
احلام: يمديك وزياده بعد..

((دخل فيصل الحمام واحلام مسكت جوالها ودقت على صديقتها مريم))..

مريم: عاش من سمع هالصوت...
احلام: عاشت ايامك حبيبتي...
مريم: شلون الزواج معاك..
احلام: والله ماشي الحال لين الحين مابدت المغامرات عدل..
مريم: ليش انتي مفكره تطلعين لهم قرون؟؟
احلام: مو بس قرون راح اطلع لهم انياب بعد والأهم من كذا راح اخليهم على بساط الفقر...

البــــــارت الثاني عشر...

في بيت عطــــر، بغرفتها تحديداًً..

وصايف: عطوره شنو راح تلبسين بزواج ولد خال بشرى والبنات؟؟
عطر: والله مادري ماعندي شي محدد..
وصايف: زين شرايك الليله نطلع السوق ونشتري لنا فساتين؟؟
عطر: روحي أول استأذني من أمك واذا سمحت لنا،، نروح...
وصايف: راح ترضى تخلينا نروح لأن بكره الزواج..
عطر: زين روحي سأليها، يعني شنو بتخسرين؟؟
وصايف: دقايق بس وأنا راجعه لك...


في بيت هند...

وليد: خلاص بكره راح تروحين عن هذا البيت لبيت زوجك... راح نفتقدك كثير ياختي...
هند: راح ازوركم اكيد..يعني لاتخاف ماراح تفتك مني...
طلال: بيكون البيت مظلم بوجودك...
هند: خلاص عاد لاتقلبونها حزن.. ترى أهون الحين عن الزواج...
ام ناصر: كل شي ولا تهونين، احنا ماصدقنا على الله الفرحه راح تدخل علينا...
ناصر: عاد ما أوصيك على زوجك..
هند: بعيوني الثنتين...
قصي: يمه، يمه من الغزل...
هند: ناصر؟؟ أنتوا قلتو له على شرطي؟؟
ناصر: لا تخافين قلنا له...
هند: الحين راح كون مطمئنه أكثر وأكثر..


في بيت الدلوعات...

بشرى: يابنات، يابنات؟؟
العنود: شفيك؟؟
بشرى: شرايكم بليلة العرس نحط لنا أغنية ونسوي بروفا عليها..
الهنوف: فكره حلوه..
بشرى: خلونا عيل نتدرب من الحين عشان نضبطها بكره...
الجازي: يالله مشينا صالة التمارين..
البنات: مشينا...


في ام فيصل...

في جناح فيصل...

احلام قاعده على السرير تمثل انها حزينه ويدخل عليها فيصل ويسألها: شفيك يا احلام زعلانه؟؟
احلام: مافيني شي حبيبي، لاتحط ببالك...
فيصل: شلون مافيك شي وعلامات الحزن مبينه على وجهك، قولي لي شفيك؟؟
احلام: يرضيك يافيصل أروح العرس بكره بثياب عاديه؟؟
فيصل: هذا اللي مزعلك؟؟
احلام: يعني هذا مايزعّل؟؟
فيصل: كان قلتي لي وأنا اعطيك فلوس وتروحين تشترين لك...
احلام: ماحبيت ازعجك بمصاريفي...
فيصل: تزعجيني؟؟ لاتنسين أني زوجك ومسئول عنك وعن مصاريفك...الحين قولي لي كم تبين؟؟
احلام: انت كريم وانا أستاهل...
فيصل: 1000 يكفيك؟؟؟
احلام: 1000 شنو بيسوي، حق الثوب والاكسسوارات بس؟؟
فيصل: وهذي 1000 ثانيه ولا تزعلين...
احلام: تسلم حبيبي، عسى الله لايحرمني منك...


في بيت بو نواس، بغرفة ابرار تحديداً...

أبرار وهي تكلم جوال مع احدى صديقاتها: أيــه غصون.. راح تجين العرس؟؟
غصون: انشالله اذا الله أراد...
أبرار: شكلك ماراح تجين...
غصون: اذا سمحوا لي الدوريات بالخروج راح أجي واذا رفضوا بعد شسوي...
((يطرق باب غرفتها فجأه))..
أبرار: أووك حبيبتي بعدين أكلمك باب غرفتي يطقونه...
غصون: مع لسلامه حبيبتي...

((سكرت الجوال وقامت وفتحت الباب))..

حنان: ممكن أدخل..
أبرار بدون نفس خلت الباب مفتوح وجلست على احد الكراسي بغرفتها..
حنان: ممكن اتكلم معاك دقايق؟؟
أبرار: وهو بيننا شي نتكلم فيه...
حنان: بس حبيت اقولك شي، إني مو متزوجه ابوك عشاني طمعانه بخيركم وحلالكم، أنا تزوجته لأني حسيته الشخص المناسب لي...
أبرار: واذا أنتي مو طمعانه بالحلال والأملاك ليش تزوجتي واحد كبر أبوك؟؟
حنان: انا تزوجت واحد كبر أبوي لأني انحرمت من حنان الأبو من عشرين سنه..
أبرار: يعني راح تثبتيلي انك طيبه وعلى نياتك بهذا الكلام؟؟
حنان: والله يا أبرار نيتي صافيه تجاهكم، ولو أنا شريره مثل ماتقولين كان شفتيني من أول مادخلت بيتكم سويت معاك ومع اخوك مشاكل، بس أنا ما أحب عوار الراس والمشاكل، والله صدقيني...
أبرار: مو لازم تطلع حقيقتك الحين...
حنان: الأيام راح تثبت هالشي... الحين أخليك بشغلك...
أبرار بدون نفس: الله معاك..


في بيت عطر...

عطر: هاه وافقوا أو لا؟؟
وصايف: وافقوا، يالله بسرعه البسي خلينا نعجل..
عطر: يالله جايه وراك...
وصايف: عالعموم نواف اللي بيودينا...
عطر: واذا نواف يعني؟؟
وصايف: يعني مابيخلينا على راحتنا نفرفر...
عطر: مو بكيفه...


في بيت هند...

هند: يمه؟؟ أكدتوا على حجز الصاله؟؟
ام ناصر: أيه يمه لاتخافين...
هند: وبوكيه الورد؟؟
أم ناصر: كل شي جاهز...
هند: والصالون؟؟
أم ناصر: قلنا لك كل شي جاهز... خلاص عاد..
هند: تحمليني شوي يمه، تدرين لازم اتأكد من كل شي...

.................................................. .................................................. ......................

في ليلة العرس..

ملخص احداث العرس))...

((دخلت العروس وبعد مادخلت حطوا اغنيه صدفه لعبدالمجيد وقاموا فرقة الدلوعات وسووا البروفا اللي تدربوا عليها وكانوا لابسين تنوره قصيره مخططه بوردي مع بلوزه ربع كم لونها وردي >>هذا اللبس بس عشان البروفا<< وبعد ماخلصوا الكل صفق لهم على اللي سووه وبعضهم عاتبوهم لأن ماقالوا لهم عشان يتدربون معاهم...

الأربع البنات كانوا لابسين نفس الموديل لكن بألوان مختلفه فستان مخطط بكريستال يبين المفاتن واكسسوارات على كيف كيفكم... وكل وحده احلى من الثانيه.. وكانوا مسوين شعورهم طبقات..


غاده وشوق ورغد كانوا لابسين فساتين هاديه قصيره طبعاً الوان مختلفه... والميك اب كان هادي بعد...

طبعاً الامهات كانوا لابسين جلابيات وشالات على الوان الجلابيات...

أبرار كانت لابسه فستان لونه اصفر قصير مزخرف بشخابيط لكنه لايق عليها وعلى جسمها وبشرتها...

وصايف وعطر كانوا لابسين نفس الموديل طالعين شي، والميك اب ماكان زايد ولا كان خفيف ومسوين تسريحة شعر مثل بعض..

طبعاً ماننسى النصابه الكبرى احلام اللي قصّت على زوجها فيصل واللي كانت لابسه فستان عادي وميك اب عادي وطالعه جيكره ولله الحمد..

طبعاً ماننسى العروس اللي كانت بقمة الروعه...

دخل المعرس وباسها على جبينها وجلسوا وصوروا وبعدها دخلوا أخوان العروس الاربعه وسلموا على اختهم وقاموا يرقصون بعد..
وبعدها أخذ المعرس زوجته وراحوا لبيتهم المستقل اللي كان شرط هند انها تكون ببيت لحالها...

طبعاً هذا ملخص احداث العرس...
.................................................. .................................................. .................................................. ..........

في الصاله بعد ماراحوا كل المعازيم...

الهنوف راحت المطبخ بتاخذ لها ماي وبعد مافتحت الثلاجه جا من وراها شخص ومسكها من كتفها...

الهنوف بخرعه: بسم الله الرحمن الرحيم... شفيك خرعتني..
قصي: اسم الله عليك من الخرعه حبيبتي...
الهنوف: أنت شاللي جابك الحين؟؟
قصي: جاي أشوف ملاكي حبيبتي...
الهنوف: صدقتك...
قصي: صايره حلوه وقمر ياقمر...
الهنوف: عيونك الحلوه...
قصي: زين متى راح أشوفك؟؟ انتي وعدتيني وما وفيتي بوعدك...
الهنوف: انشالله قريب، انا راح اتصل عليك ونتفاهم عالموضوع...
قصي: انتظر اتصالك...
الهنوف وهي توخره: يالله الحين روح اطلع لا احد يشوفنا..
قصي: احبك...
الهنوف: اووك الحين روح...
قصي: اموت فيك..
الهنوف: والتالي؟؟ ترى راح ازعل...
قصي: لا لا، كل شي ولا زعلك ...

((وطلع من المطبخ وراح))..


عند باب الصاله الخارجي...

العنود كانت تبي تنادي خالها ومالقت غير ناصر واقف على الباب وماكان عندها خيار ثاني الا انها تكلمه: ناصر؟؟ ممكن شوي...
ناصر تقرب من الباب: شبغيتي؟؟
العنود: ممكن تناديلي على خالي اذا ماعليك أمر؟؟
ناصر: ثواني بس...

((راح ناصر ونادى على خال البنات وماقدر يجي لها ورجع لها ناصر وقال)): خالك مايقدر يجيك لأن معاه رجاجيل.. خير أمري؟؟
العنود: مايامر عليك عدو..بس نبي نروح البيت...
ناصر: من اللي بيروح معاك؟؟
العنود: انا والهنوف وأمك..
ناصر: يالله اجل تجهزوا انا راح أوصلكم...
العنود: أخاف نلهيك عن شغلك...
ناصر: ماعندي لا شغل ولا مشغله، الحين يالله روحوا تجهزوا ونادي على الباقي...
العنود: دقاايق بس...
((وراحت وكانت عيون ناصر ماتفارق العنود دقيقه وحده لين دخلت الصاله واختفت عن انظاره))...

طلعوا الكل ووصلوهم على بيوتهم....

وكانت هذي الليله متعبه عالجميع...


توقعاتكم...

هل راح تتعدل علاقات العنود وناصر؟؟
شنو راح يصير مع الهنوف وقصي؟؟

واحداث مميزه بأنتظارنا بالبارتات الجايه لأن ماراح يتبقى لروايتنا الا القليل.....

البارت الثالث عشر...

ذكرى وهي تكلم بجوالها مع العنود: اليوم انا لازم اشوفك يالعنود...
العنود: خير... شفيه؟؟
ذكرى: ماقدر أقوله عالتلفون..
العنود: زين وين تبيني أشوفك؟؟
ذكرى: أي مكان...
((حددوا المكان والموعد بيكون العصر الساعه 4 ))..

في بيت هند المستقل...

هند وهي تدور بصالة البيت بملل: أنا اول مره أشوف واحد بيوم عرسه يطلع ويخلي زوجته بالبيت لحالها...
((يدخل نايف البيت)) ببرود: السلام ....
هند: وين كنت يانايف؟؟ خوفتني عليك...
نايف: كنت مع ربعي، خير فيه شي؟؟
هند: لا سلامتك..
نايف: يالله اجل أنا بروح أنام...
هند تقعد على الأريكه بعصبيه...

في جناح فيصل...

فيصل: جهزي نفسك يا أحلام احنا راح نسافر أسبوع الجاي...
احلام بفرحه: وين راح نسافر؟؟ لندن ولا باريس؟؟
فيصل: راح نسافر مكه للعمره...
احلام راح اثر الضحكه من على شفاتها: انشالله ياعمري، يعني أحد يعيف بيت الله؟؟
فيصل: اجل كوني جاهزه اسبوع الجاي...

في بيت أم ناصر...

صوت التلفون يرن: تررن تررن تررن...
وليد مسك التلفون ورد عليه: ألووو، هلا...
هند: كيفك وليد؟؟
وليد: هنوده؟؟ والله الحمدلله تمام... أنتي شلونك وشلون الحبيب؟؟
هند: والله تمام ... الا بسألك أمي موجوده أو لا؟؟
وليد: والله أمي مو موجوده.. خير فيك شي؟؟
هند: لا مافيني شي بس أشتقت لها وحبيبت أسمع صوتها...
وليد: هند؟؟ ممكن أطلب منك طلب ولا ترديني؟؟
هند: خير انشالله؟؟

يتبـــــــــــــــــــــــــــــــــــــــــــــــ ــــــــــــــــــع...

في غرفة بشرى...

بشرى كانت قاعده عالسرير ورن جوالها وقالت بأستغراب: هذا رقم غريب منو ياترى؟؟
((طنشت الرقم وما ردت))..

بعد دقايق....

رن التلفون مرة ثانيه: هذا نفس الرقم رجع دق...خلني أرد اشوف يمكن أحد مهم..
((وردت)): ألووو، منو معاي؟؟
..................: هلا بشرى...
بشرى بأنفعال واستغراب: منو أنت؟؟ وشتبي مني؟؟
.................: أنا وليد يابشرى...
بشرى : وليد؟؟ انت منو اللي عطاك رقمي؟؟
وليد: مو مهم الحين منو اللي عطاني الرقم... ممكن يابشرى أخذ من وقتك دقايق بس؟؟
بشرى بدون نفس: خير شعندك؟؟واختصر لو سمحت...
وليد: بشرى أنا من أول ماشفتك من أول مره دخلتي قلبي وعقلي وحاولت أشيلك من بالي بسبب رفضك لي بس ماقدرت..
بشرى: الحين انت متصل عليّ عشان تقول لي هالكلام؟؟ سوري أنا مو مستعده اسمعك... باي...
وليد: لحظه يابشرى لا تسكرين الخط...
بشرى: تبي شي ثاني بعد؟؟
وليد: بشرى أنا احبك...

في بيت بو نواس، بالصالة تحديداً...

أبرار وهي ماخذه عبايتها ومتجهه للباب بتطلع وكانت حنان تشاهد تلفزيون وانتبهت لها وقالت: طالعه أبرار؟؟
أبرار وقفت: بعد بتحاسبيني على طلعتي ودخلتي من البيت؟؟
حنان: لا مو قصدي كذا..
أبرار: عيل شنو قصدك يامرت أبوي؟؟
حنان: يعني اذا أبوك سألني عنك وين أقوله رحتي؟؟
أبرار: تطمني أنا قلت لأبوي وين راح أروح... الحين تبين شي؟؟
حنان: سلامتك...
أبرار: سلام...((وطلعت))..
حنان: ياربييي... حاولت كثر ماقدر اني أتقرب منها بس ماكو فايده...((ورفعت راسها لفوق)): يارب هل زواجي من أبو أكبر مني وعنده عيال صح أو غلط؟؟


الساعة 4 العصر...

في احدى الكافيهات...

العنود: خير ياذكرى... خوفتيني... فيك شي؟؟
ذكرى: لا مافيني شي لاتخافين، كل مافي الموضوع أني حابه افتح معاك موضوع يتعلق فيك...
العنود بأستغراب: موضوع يتعلق فيني؟؟ خير انشالله؟؟
ذكرى: جسار أخوي...
العنود: شفيه؟؟
ذكرى: شرايك فيه؟؟
العنود: شرايي فيه؟؟ وأنا قعدت معاه عشان أقولك رايي فيه؟؟
ذكرى: أخوي جسار قرر يتزوج وقال لي أني أدور له على بنت الحلال، فما لقيت احسن منك زوجه حقه...
العنود بهدوء وتفاجئ: والله مادري شقولك ياذكرى... أنتي فاجأتيني...
ذكرى: أخذي راحتك بالتفكير، ترى جسار مو مستعجل...
العنود: الله انشالله يكتب اللي فيه الخير..
ذكرى: كم يوم يكفيك عشان تفكرين فيه؟؟
العنود: عطيني مهله شهر واحد بس...
ذكرى: ماشي حبيبتي... انتظر ردك بعد شهر...
العنود: أوووك...

توقعاتكم على هذا البارت...

هل العنود راح توافق على جسار؟؟
وهل بشرى راح تتقبل وليد؟؟


تابعوني....

البـــــــــارت الرابع عشر...

بعد اسبوع...

على وقت الغدا في بيت هند...

هند وهي تجهز الغدا وتحطه على الطاوله وتنادي: نايف حبيبي يالله تعال الغدا جاهز...
((يطلع نايف من الغرفه لابس ومتكشخ)): أنا ماقدر اتغدى معاك اليوم خليها مره ثانيه انا بطلع مع ربعي...
هند: وهذا الغدا أنا مسويتيه عشان منو، مو عشانك انت؟؟
نايف: ليش ماسألتيني بالأول؟؟
هند بأنفعال: وانا أشوفك عشان اسألك؟؟ احنا من تزوجنا وانا ماقعدت معاك دقيقه وحده، كيف تبيني اسألك؟؟
نايف: عالعموم خلي النقاش هذا بعدين... انا طالع الحين، يالله سلام...
هند ماردت عليه وراحت مسرعه لغرفتها...


في بيت أم فيصل...

فيصل: يالله يمه نودعكم الحين...
أم فيصل: تروحون وترجعون بالسلامه، وانتبهوا لنفسكم وحط بالك على أحلام...
فيصل: احلام بعيوني...
رغد: لا تنسى صوغتي فصول...
فيصل: ماراح انسى لاتخافين...
شوق: يالله ياخوي مع السلامه ((وحضنته وباسته))..
غاده: راح نفقدك ياخوي...
فيصل: اسبوعين وانا راجع، يعني ماراح تفقدوني...
احلام بدون نفس: يالله خالتي مع السلامه.... يالله يابنات باي....
ام فيصل: مع السلامه يابنتي...
رغد: مع السلامه احلام....

((وتوادعوا وطلعوا من البيت الى الطياره فوراً))..


الساعه 4 العصر على البحر...

قصي: تصدقين يالهنوف؟؟
الهنوف بأستظراف: لا ما أصدق...
قصي: وانا قلت شي عشان تقولين لا؟؟
الهنوف: مادري عنك...
قصي: تصدقين ان هالبحر يشبهك؟؟ بس انتي احلى...
الهنوف: طبعاً انا احلى، ماكو احد مثل جمالي...
قصي: أنتي ملاك الكون ياعمري...
الهنوف: قصي؟؟ ممكن اسألك سؤال؟؟
قصي: أمري حبيبتي...
الهنوف: انت تحبني من صج؟؟
قصي: انتي شاكه بحبي لك؟؟
الهنوف: لا مو شاكه بس ودي اسمعها منك...
قصي: أحبك وأموت فيك بعد...

"" خوش، خوش... وانا أقول ليش ماترد على مسجاتي واتصالتي، الا انت عايش جوك مع حب جديد؟؟""

قصي: نوف؟؟
نوف < هذي وحده من اللي يكلمهم قصي>: أيـــه نوف، شفيك مستغرب؟؟
الهنوف: منو هذي ياقصي؟؟
قصي بأرتباك: هذي أأأأأ...........
نوف: قول لها منو أنا، ليش خايف؟؟
الهنوف ارتفع صوتها بوجهه: أنا اسألك ياقصي، جاوب عليّ...
نوف: أنا صاحبته وخطيبته بالمستقبل...
الهنوف: خطيبته بالمستقبل؟؟
((التفتت على قصي وهو كان منزل راسه وراحت عنهم وركبت سياره اجره وقرر انه يلاحقها بس ما أمداه ورجع لنوف))..

قصي بأنفعال: انتي شتبين مني؟؟ ليش طالعه لحياتي مره ثانيه؟؟
نوف بهدوء: انا أحبك يا قصي، انا اموت فيك...
قصي بصراخ: وأنا كرهتك من هاللحظه... وعالعموم مابي أشوف ارقامك على جوالي ولا ابي أشوف وجهك بحياتي مره ثانيه..مفهوم؟؟ أنا راح اتزوج الهنوف...الهنوف وبس...

(( راح عنها وركب سيارته واتصل على الهنوف)): يالله ردي...
الهنوف طنشت اتصالاته ورجع دق عليها مرات وردت عليه بصراخ وصوتها اللي كان يبكي: خير شتبي بعد؟؟
قصي: الهنوف سمعيني شوي الله يخليك...
الهنوف: مابي اسمع منك ولا شي...
قصي: انتي اسمعيني وبعدين سوي اللي تبينه...
الهنوف: أذا انتهيت من علاقاتك مع البنات بعدين راح اسمعك، اما الحين اسمح لي ماقدر اسمعك...
((وسكرت التلفون بوجهه))...

بعد دقايق...

وصل للهنوف مسج وهي تأكدت انه من قصي وفتحته:
والله يالهنوف اني احبك وانتي الوحيده اللي ببالي وماكو غيرك وانا راح أسوي اللي طلبتيه مني... راح اكنسل كل علاقاتي مع اي بنت، واوعدك بأقرب وقت راح اجي واخطبك...

في بيت الدلوعات...

طرق جرس باب البيت وقامت الجازي وفتحت الباب وانصدمت: يبــــــه؟؟
بو العنود: هلا حبيبتي.. هلا بالجازي...
بشرى وهي نازله: يبه انت جيت؟؟
بو العنود: أيـــــه توني واصل...
((وحضنهم ثنتينهم بقوه وحب))..

في الليل في بيت هند...

هند: نايف؟؟ ابي اروح بيت أهلي.. توصلني بطريقك؟؟
نايف: انتي جاهزه؟؟
هند: بس اجيب عباتي...
نايف: يالله اجل انا انتظرك بالسياره...

((جابت عبايتها وركبت السياره ومشوا وطول الطريق وهم صمت ولا واحد منهم تكلم لين وصلوا بيت أهل هند))..

نايف: راح تطولين بيت أهلك؟؟
هند: لا ماراح اطول... كلها ساعتين وراح أمشي...
نايف: تبيني أمّر عليك؟؟
هند: لا مابي اتعبك... راح اخلي واحد من اخواني يوصلني للبيت..
نايف: اوووك... ((ومشى))..
هند دخلت البيت...
أم ناصر: هنوده حبيبتي عندنا؟؟
هند بضحكه: ايه عندكم...
أم ناصر: شلونك حبيبتي؟؟ ((وراحت لها وحضنتها بحنان))..
هند: والله الحمدلله.. مشتاقه لكم...
أم ناصر: تشتاقلك العافيه... شلون زوجك معاك؟؟
هند: الحمدلله تمام... يسلم عليك...
ام ناصر: الله يسلمه...


في بيت الدلوعات...

العنود: يعني خلاص ماراح تسافر مره ثانيه؟؟
بو العنود: انشالله...
الهنوف: عسى جبت لنا صوغات من سفرتك؟؟
بو العنود: جبت لكم كل خير...
الهنوف: يالله اجل خلنا نروح نفتح للجناط وناخذ صوغاتنا...
بو العنود: مو الحين... بعدين...

في بيت هند...

في الصاله حيث ماكان ناصر ووليد وهند قاعدين...

هند وهي تكلم جوال مع بشرى: انا في بيت أهلي الحين...
بشرى: سلمي لي على خالتي؟؟
هند: يوصل...
بشرى: دريتي بأخر خبر؟؟
هند: شنو؟؟
بشرى: العنود اختي انخطبت...
هند: صج؟؟ العنود انخطبت؟؟
بشرى: بس لين الحين ماوافقت عليه...
ناصر كان قاعد يسمع الحوار اللي كان بين هند وبشرى ويوم سمع بخطبة العنود راح بسرعه على غرفته...
هند: حتى وليد بكره راح نروح انا وامي نخطب له...
بشرى تغيرت همسة صوتها بالكلام: صج؟؟ عالبركه انشالله...
هند: الله يبارك فيك...
بشرى: يالله حبيبتي انا استأذنك الحين..
هند: اووك حبيبتي يالله باي...
((وسكرت منها))..
وليد: شنو قالت يوم قلتي لها اني راح اخطب بكره؟؟
هند: ماراح تصدق اذا قلت لك...
وليد: شنو؟؟
هند: تغيرت نبرة صوتها وبعدها قالت عالبركه...
وليد: صج؟؟
هند: والله العظيم.... يالله انا ابي اروح البيت بتوصلني ولا اخذ تاكسي؟؟
وليد: تاخذين تاكسي وانا موجود؟؟
هند: يالله عيل خلصني بسرعه...
وليد: يالله مشينا...

البـــــــارت الخــــامس عشــــر...

في بيت الدلوعات، بغرفة العنود تحديداً...

العنود كانت جالسه على سريرها وفجأة رن جوالها وشافت الرقم بأستغراب: معقولة؟؟ ناصر؟؟
((وردت)): ألوووو..
ناصر بهدوء: هلا العنود...
العنود: هلا ناصر.... خير شفيك؟؟
ناصر: ماكو شي لاتخافين... كل مافي الموضوع أني..............
العنود: أنك شنو؟؟
ناصر: ممكن أشوفك اليوم يالعنود؟؟
العنود: بتشوفني؟؟ ليش؟؟
ناصر: أبي أكلمك بموضوع خاص بيني وبينك...
العنود أستغربت وقالت: أوووك، وين تبي تشوفني؟؟
ناصر: أنتي وين تحبي نلتقي؟؟

(( تفاهموا على المكان والزمان وكان الموعد بكره الساعة 4 العصر))


في بيت مشاعل المستقل..

مشاعل: تدري ياسعيد أني ماتصلت على بيتنا وقلت لهم أني جيت؟؟
سعيد: وليش عاد؟؟
مشاعل: بسويها لهم مفاجأه...
سعيد: سامحيني يامشاعل إني ماخليتك تستانسين معاي...
مشاعل: لاتقول كذا ياسعيد ترى أزعل عليك...
سعيد: ان شالله أعوضك بالسفره الجايه...
مشاعل: سفرتين وانت الصاج...
سعيد: زين متى تبيني أوصلك لبيتكم؟؟ تبيني أوديك الحين؟؟
مشاعل: أنت وين بتروح؟؟
سعيد: بروح الشركه عندي شوية شغل..
مشاعل: خلاص انت أركب الحين السياره وانا أجيب عباتي والحقك...
سعيد: انتظرك...

في بيت عطر....

عطر وهي تمشي ناحية الباب وصايف انتبهت لها وقالت: على وين العزم؟؟
عطر: أنتي هنا؟؟
وصايف: لا هناك...
عطر بدون نفس ضحكت: بايخه..
وصايف: الحين لاتغيرين الموضوع وقولي لي وين رايحه؟؟
عطر: بطلع..
وصايف: تستهبلين ويا وجهك..أدري أنك بتطلعين بس وين رايحه بالضبط؟؟
عطر: بطلع مع سالم...
وصايف: مع سالم؟؟
عطر: إيـــه مع سالم، شفيك مستغربه؟؟
وصايف: لأنك من انخطبتي عليه ولا مره طلعتوا، بس استغفر الله طلعتوا مرتين...
عطر: والله أنا مثلك مستغربه، قال يبيني بموضوع ضروري...
وصايف: عساه خير!!
عطر: بروح وبشوف..

"قاطعهم صوت هرن السياره"

عطر: كاهو جا، يالله سلام...
وصايف: سلمي لي عليه...
عطر: يوصل..


في الطريق...

مشاعل نزلت من السياره وسعيد ناداها: مشاعل؟؟
مشاعل: هلا حبيبي...
سعيد: تبين شي قبل لا أروح...
مشاعل: لا حبيبي سلامتك...
سعيد: انتبهي لنفسك حياتي...
مشاعل: وانت بعد..
سعيد: يالله سلام...

((انتظرها لين مادخلت البيت ومشى عنها))..

في بيت بو نواس...

كانت حنان وبو نواس قاعدين بالصاله يشاهدون تلفزيون ومشاعل دخلت: السلام عليكم..
حنان وبو نواس انتبهوا لها: وعليكم السلام...
بو نواس: مشاعل؟؟ نورتي البيت حبيبتي..انتي متى وصلتي؟؟
مشاعل بأستغراب: يبه؟؟ منو هذي اللي واقفه وراك...

"" هذي مرت أبوي يامشاعل""

مشاعل: مرت أبوي؟؟
أبرار وهي تنزل: أستغل فترة زواجك وسوا اللي سواه..
مشاعل: صج هالكلام اللي أسمعه يا يبه من أبرار؟؟
بو نواس نزلّ راسه للأرض وأبرار قالت: تكلم يايبه، قول لها صج ولا لا...
حنان: استهدوا بالله وخفوا على أبوكم شوي...
مشاعل بأنفعال: أنتي أكلي تبن..أنا قاعده أكلم أبوي مو قاعده أكلمك...
بو نواس: مشاعل أحترمي نفسك، هذي زوجتي...
مشاعل: أنا محترمة نفسي من زمان...
أبرار وقفت قبال أختها: مدام جيتي يا مشاعل أنا مالي قعده بهالبيت، أنا بروح معاك..
مشاعل: لا حبيبتي مو أنتي اللي بتطلعين، اللي واقفه هناك أهي اللي بتطلع..
بو نواس ارتفع صوته: حنان راعية البيت وأهي الداخله وأنتوا الطالعين، ويالله الحين اخذي أختك وطلعوا برا..يالله برا...
مشاعل: تطردنا من البيت يايبه؟؟
حنان: لا يابو نواس مايصير كذا هذول بناتك...
مشاعل: مسويه نفسك طيبه وعلى نياتك...ترى ماينفعك...
بو نواس: ترى زودتيها يامشاعل...
مشاعل: تبي تطقني بعد؟؟
أبرار: هذا كله من سحور بنت ابليس...
بو نواس: قضبي لسانك ياأبرار،ترى بتشوفين شي عمرك ماشفتيه...
مشاعل: يالله يا أبرار مشينا، مالنا قعده بهالبيت...خلي المراهق مع زوجته يشبعون فيه...

((مشت مشاعل مع أبرار خطوتين وبعدها جات لمشاعل دوخه قويه وألم عند خاصرتها وطاحت عالأرض))..

في بيت هند...

هند وهي تدور رايحه جايه في بيتها: هذا وينه من طلع من الصبح ماجا ولا اتصل حتا...

"" ترن ترن ترن""

هند توجهت لناحية التلفون وردت: ألووو..
: هذا بيت نايف تركي...
هند: إيــــه هذا بيته... أنا زوجته،خير فيه شي؟؟
: نايف تعرض لحادث والحين أهو بالمستشفى...
هند انصدمت صدمة قويه وبلا شعور تركت التلفون وركضت لغرفتها وخذت عبايتها وطلعت...


مع عطر وسالم...

عطر: خير ياسالم، قلت تبيني بموضوع ضروري، خير انشالله؟؟
سالم: مادري شقولك ياعطر...
عطر: قول ياسالم، محتاج شي، ناقصك شي؟؟
سالم: لا حبيبتي مشكوره...
عطر: عيل شنو، خوفتني...
سالم: عطر أحنا لازم ننفصل عن بعض...

سلام القصه
مره روعه ياليت
تكملينها بسرعه

يسلموووو ع القصه
ما قريتها كامله بس اكملها بعدين

البــــارت الســـادس عشر...

عطـــر: ننفصل؟؟ ليش؟؟ وشحقه؟؟
سالم: أنا ماراح أقدر أسعدك ياعطر ومابي أخليك تتعذبين معاي...
عطــر: أتعذب وأنظلم ويصير فيني اللي يصير بس أنفصل منك لا ....اسمحلي!!
سالم: لهدرجه تحبيني؟؟
عطــر: أكذب عليك أذا قلت ما أحبك...
سالم: شكثر تحبيني ياعطــر؟؟
عطر: قد السماء؟؟ لا لا أكثر شوي.... قد الدنيا واللي فيها...
سالم: يالله أنا ماقدر على هالحب...
عطـــر: سالم؟؟
سالم: عيوني...
عطر: تسلم عيونك... أوعدني أنك ماتفتح سالفة الأنفصال مرة ثانيه...
سالم: أوعدك ياعطر...


في المستشفى..

الدكتور يطلع من غرفة العنايه المركزه وبو نواس يقاطعه ويقول: بشرنا يادكتور بنتي مشاعل فيها شي؟؟
الدكتور: والله ياعمي مادري شقولك...مشاعل مصابه بفشل كلوي وتحتاج لعملية فوراً..
سعيد: أنا راح أتبرع لها...
الدكتور: أنت زوجها...
سعيد: أيـــه زوجها...
الدكتور: خلاص روح مع الممرضه الحين وسووا التحاليل والفحوصات عشان نشوف أذا فيه تطابق أو لا...
سعيد: أوووك...


بنفس المستشفى، لكن بجناح ثاني...

هند بصوت مبحوح وبحزن: دكتور طمني على زوجي الله يخليك..
الدكتور: لين الحين ماصحا من الغيبوبه واذا ماصحا لين بالليل راح نسوي الأجراءات اللازمه..
هند: زين يادكتور ممكن أدخل أشوفه؟؟
الدكتور: الحين ممنوع ياختي...
هند: الله يخليك دقايق بس...
الدكتور: ماشي دقايق بس...


بجناح مشاعل بالمستشفى...

أبرار: بشّر ياسعيد عسى فيه تطابق بالكلى...
سعيد: للأسف كليتي ماتطابق مع كليتها...
أبرار: عيل أنا بروح أسوي الفحوصات...

بعد دقايق...

بو نواس: وأنتي يا أبرار فيه تطابق معاها أو لا؟؟
أبرار بكدر: لا يبه ماكو تطابق...

"" أنا راح أتبرع""

أبرار: حنان؟؟
بو نواس: حنان؟؟


بجناح نايف...

((كان نايف عالسرير بغيبوبه وهند كانت حاطه راسها على رجله))..

هند بكدر: نايف قوم الله يخليك أنا ماقدر أعيش من دونك...
قوم وقول لي من اللي سووا فيك كذا...
((ومسكت أيده)): نايف قوم لاتموت وتخليني...
نايف فتح عينه بوهن وناظرها وقال بصوت ثقيل: هـ نــ ـــد!!
هند التفتت له: نايف؟؟
نايف: أنا ويني؟؟
هند: أنت بالمستشفى..
نايف: هند سامحيني على كل اللي سويته فيك...
هند: هذا الكلام مو مهم.. المهم الحين صحتك وبس...
نايف: أأأأااااااه...
هند قامت بخوف: نايف شفيك؟؟ أنادي على الدكتور؟؟
نايف: أأأأأااااااه، أأأأااااااه...
هند بصراخ: دكتور؟؟ دكتور تعال بسرعه؟؟
الدكتور دخل مسرع: خير شفيك؟؟
هند: زاد الألم عليه، بسرعه ساعدوه...
الدكتور: لو سمحتي أختي طلعي شوي برا...
هند: أنا أبي أجلس معاه، مابي أطلع وأخليه...
الدكتور: مايصير ياختي، أنتي أطلعي الحين وأنشالله مافيه الا العافيه، أحنا بنكون معاه...
هند: انشالله يادكتور...


في بيت أم فيصل...

يدخل فيصل البيت: السلام عليكم يمه...((ويتجه لها ويبوسها على راسها))..
أم فيصل: الحمدلله عالسلامه يمه..
فيصل: الله يسلمك يالغاليه...
شوق: ألا وين زوجتك أحلام؟؟
فيصل: كاهي داخله...

((والتفتوا لها ولقوها لابسه قفازات لونهم أسود وجوارب وبوشيه والعبايه وصايره مثل الخيمه السوداء))..

غاده: هذي متأكدين أنها أحلام ماغيرها؟؟
فيصل: الحمدلله الله هداها و ارشدها على الطريق الصحيح...
شوق: شلونك أحلام؟؟
أحلام: وعليكم السلام والرحمه...
غاده: لا بالله توفقنا...

في جناح مشاعل...

دخلوا حنان ومشاعل غرفة العمليات وحنان التفتت لزوجها و قالت: أدعي لنا يا بو نواس...
بو نواس: بدعيلك و بدعي لمشاعل من كل قلبي...
حنان: يالله مع السلامه...

((ودخلوهم غرفة العمليات))...


في بيت الدلوعات...

في غرفة بشرى...

بشرى مسكت جوالها وقررت تكتب مسج لوليد: عالبركه ياوليد... يقولون راح تخطب...
((ورسلتها وانتظرت مسج منه أو حتى مكالمه لكنه مااتصل ولا رسل مسج))..
بشرى: أنا حبيتك ياوليد... والله حبيتك...


في جناح مشاعل...

بعد 3 ساعات من دخول العمليات والكل قاعد على اعصابه طلع لهم الدكتور وهو مبتسم...

سعيد: طمنا يادكتور...
الدكتور: الحمدلله العملية نجحت وهذا كله من فضل الله ثم من فضل اللي تبرعت...
بو نواس: الحمدلله يارب..
أبرار: والحين نقدر نشوفهم...
الدكتور: الحين لا بس انشالله بكره...
أبرار: الله يخليك يادكتور خلني أشوفهم شوي بس...
الدكتور: 5 دقايق بس...
أبرار: ماشي...


في يوم جديد...

الساعة 3 العصر...

بو العنود كان متجه للباب يبي يطلع والجازي التفتت له وقالت: يبه؟؟ أنت طالع؟؟
بو العنود: إيــــه يبه بروح المستشفى لبنت عمك...
الجازي: لحظه يبه انتظرني شوي بروح معاك...
بو العنود: يالله بسرعه أنتظرك بالسياره...

((راحت الجازي غرفتها وخذت عبايتها وراحت لغرفة العنود))

الجازي فتحت الباب: أنا بروح المستشفى مع أبوي... تروحون معانا؟؟
العنود: بتروحون لبنت عمي؟؟
الجازي: إيــــه... بتروحين؟؟
العنود: لا ماراح أروح الحين...
الجازي: أوووك... باي...

((وطلعت وراحت لغرفة الهنوف))

الجازي: تروحين يالهنوف معانا؟؟
الهنوف: وين؟؟
الجازي: المستشفى...
الهنوف: لا حبيبتي ماراح اروح اليوم...
الجازي: أوووك عيل يالله سلام...

((وطلعت وراحت لغرفة بشرى)).

الجازي: بشرى بتروحين معاي؟؟
بشرى: المستشفى؟؟
الجازي: إيــــه...
بشرى: يالله أنا جايه وراك...
الجازي: يالله بسرعه أبوي ينتظرنا تحت...
بشرى: انشالله...

((وراحت بشرى ورا الجازي وركبوا السياره ومشوا))

الساعة 4 العصر...

عند البحر...

العنود: خير ياناصر... قلت تبيني بموضوع...
ناصر: سمعت إنك انخطبتي... صحيح الخبر؟؟
العنود: وانت يهمك هالخبر؟؟
ناصر: طبعاً يهمني..
العنود: ومن متى هالكلام؟؟
ناصر: من زمان يالعنود، من زمان...
العنود: من زمان؟؟
ناصر: من يوم صارحتيني بحبك لي وأنا تجاهلتك...
العنود: والمطلوب؟؟
ناصر: لا توافقين يالعنود...
العنود: أسمحلي...
ناصر: أنا أحبك يالعنود...
العنود: تحبني؟؟ وين كنت بالأول عني ليش ماصارحتني بحبك، الحين يوم انخطبت حسيت؟؟
ناصر: أنا أحبك يالعنود، والله احبك...
العنود وهي واقفه: أنا ماشيه ياناصر...
ناصر: لحظه يالعنود...
العنود: خير؟؟
ناصر: أنا مستعد اليوم أكلم أمي وأجي أخطبك...
العنود: ومن قال لك أني راح أوافق؟؟
ناصر: والله أحبك يالعنود، والدليل على كلامي هذاني أنا للحين ماتزوجت وكل هذا عشانك أنتي وبس...
العنود أثر كلامه بخاطرها وقالت: لم أشوف الفعل بعدين أصدق أنك تحبني...
ناصر: بعد بكره أنا جاي مع الوالده ونخطبك من الوالد رسمي...
العنود: توك تقول اليوم، الحين صار بعد بكره؟؟
ناصر: أهم شي رضيتي عليّ؟؟
العنود: راضيه عليك طول العمر...

البــــــــــارت الأخيـــــــر...

بعد يومين من العناء والتعب والمستشفيات...

في بيت أم فيصل..

كانت شوق وغاده يتابعون تلفزيون وكانوا حاطين أغنية ورغد ترقص عليها...

أحلام توجهت لهم مسرعه وبأنفعال وصراخ: أنتوا شقاعدين تسوون؟؟ الأغاني حرام، حرام...
رغد أخترعت منها وشوق قالت: بسم الله عليك يارغد ((والتفتت على أحلام بصراخ)): أنتي شفيك جايه هايجه علينا؟؟
أحلام: مو عيب عليكم تخلون هالصغيره تسمع أغاني وتترقص... علموها شي ينفعها...
شوق: من متى هالكلام انشالله؟؟
أحلام: من يوم ماأعتمرت وذكرت الله، ياخواتي أذكروا الله ترى هذي ماراح تنفعكم بأخرتكم...
شوق: شوفي أنتي أذا عندك محاضرات دينيه روحي قوليها لأهلك مو لنا...فاهمة؟؟
أحلام وهي بتروح غرفتها: ياويلكم من الله، ياويلكم...
غاده: أستغفر الله العظيم...
شوق: صرتي مثلها يأختي؟؟


وكانت هذي معاناتهم ومشكلاتهم كل يوم......... النهـــــــــــــايه...

.................................................. .................................................. .................................

في بيت هند المستقل...

هند تنادي: يالله يانايف الغدا بيكون جاهز....
نايف وهو جاي لها: لحظه حبيبتي...
هند: هلا...
نايف: ومن قال أحنا راح نتغدا هنا اليوم؟؟
هند: عيل وين؟؟
نايف: بنروح لأحسن مطعم ونتغدا فيه.. ((وضمها)): راح أخليك تستانسين بهذا اليوم ولا راح أضيق خلقك بعد هذيك الأيام...
هند: زين والغدا اللي سويتيه؟؟
نايف: وديه بيت الجيران..
هند: نايف؟؟
نايف: أمري حبيبتي؟؟
هند: يالله.. شكثر كلمة حبيبتي طالعه من فمك مثل العسل... صج يانايف أنت تحبني؟؟
نايف: أنا مو بس أحبك ألا أموت فيك ياقلبي أنتي...
هند: وأنا بعد أعشقك...
نايف: يالله ياحلوه لا نتأخر، تراني جوعان كثير...
هند: دقايق بس...

وكانت نهايتهم سعيده ....

.................................................. .................................................. ........

في بيت بو نواس...

حنان تحط ملابسها وكل أغراضها بشنطه وبو نواس دخل عليها...

بو نواس: حنان؟؟ ليش تشيلين أغراضك وين رايحه؟؟
حنان: رايحه بيت أهلي يابو نواس...
بو نواس: بيت أهلك؟؟ ليش؟؟
حنان: من دون ليش يابو نواس...
بو نواس: عاد قولي لي السبب اللي يخليك تروحين بيت أهلك.
حنان: السبب؟؟ وأنت ماتعرف يعني شنو السبب؟؟
بو نواس: عشان أولادي؟؟
حنان: حاولت يابو نواس أني أتأقلم وأتقرب منهم لكني فشلت...وجودي بينكم ماله داعي...
بو نواس: وأنا ياحنان مافكرتي فيني؟؟
حنان: سامحني يابو نواس..
بو نواس: تبيني أشتري لك بيت لحالك؟؟
حنان: مابي شي يابو نواس..عيالك محتاجينك..
((وطلعت من غرفتها وشنطتها بإيدها ونزلت الدرج ولم وصلت للباب))

"" حنان""

حنان التفتت للصوت: مشاعل؟؟
مشاعل: وين رايحه ياحنان؟؟
حنان: بيت أهلي..
مشاعل: وأنتي مفكره راح أخليك تطلعين من هالبيت مرة ثانيه؟؟
حنان بأستغراب: شقصدك؟؟
مشاعل وهي تمسك الشنطه اللي بإيد حنان: قصدي أنك صرتي وحده من هالبيت وبتظلين فيه...
حنان: بس!!
مشاعل: لا بس ولا شي..أنتي ياحنان ساعدتيني من المرض وأنا اللي كنت بيومها متناجره معاك..قولي لي فيه وحده مثلك كانت بتسوي اللي سويتيه عشاني؟؟ أنتي ثبتيلي ياحنان إنك طيبه ومخلصه ومو شريره وطماعه...
أبرار وهي متوجهه لهم: سامحيني ياحنان على كل اللي سويته فيك...
حنان: أنتوا ماسويتوا شي عشان تعتذرون..
أبرار: على كل اللي سويناه فيك وتقولين ماسوينا فيك شي؟؟
مشاعل: هذا دليل على أن قلبها أبيض وما تحقد على أحد...
حنان: أنتوا بعد سامحوني...
مشاعل: خلاص عاد اللي فات مات وبنبتدي بصفحه جديده كلها سعاده وفرح...

(( وضموا بعض بكل فرح وبكل قوه )) ..... وكانت هذي النهاية...

.................................................. .................................................. ............................................

في احد الكافيهات...

سالم: تراني مستعجل ياعطر...
عطر: على شنو؟؟
سالم: متى يعني راح نتزوج؟؟
عطر: ههههههههههههههه...
سالم: شفيك تضحكين..انا قلت نكته؟؟
عطر: لا أضحك على أستعاجلك على الزواج...
سالم: والله ماني قادر انتظر... انا اليوم بكلم خالتي..
عطر: خلاص ماشي كلم خالتك وقول لها اسبوع الجاي...
سالم: لو تبين اليوم أنا حاضر...
عطر: لهدرجه تحبني...
سالم: وأنتي شاكه بحبي لك؟؟
عطر: لا مو شاكه.... بس ودي اسمعها منك...
سالم: أحبـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــك...

وكانت هذي النهايه...
.................................................. .................................................. ............................................
في بيت الدلوعات...

بو العنود: والله نتشرف فيكم...
أم ناصر: ألا وينهم عروساتنا...
بو العنود: جايين الحين على وصول....كاهي العنود وصلت...
العنود: السلام عليكم...
بو العنود - أم ناصر: وعليكم السلام والرحمه...
العنود: شلونك عمتي؟؟
أم ناصر: الحمدلله بشوفتك حبيبتي...
العنود التفتت لحبيب القلب: شلونك ناصر؟؟
ناصر: بخير يالعنود... انتي شلونك؟؟
العنود: نشكر الله..
الهنوف وهي جايه بإزعاجها: هاااااااي شباب، كيفك بابي...كيفك عمتي؟؟
ام ناصر: هلا حبيبتي...
الهنوف: شلونك قصي؟؟
قصي: عيون قصي أنتي...انا بخير، انتي ياعمري شلونك؟؟
الهنوف: تمام بشوفتك...
بو العنود: إلا وين بشرى والجازي؟؟
العنود: الظاهر فوق..
بو العنود: قومي حبيبتي شوفيهم...
العنود: انشالله يبه..
الهنوف: با أجي معاك انتظريني...

((وركبوا لغرفة بشرى))..

العنود والهنوف دخلوا والعنود قالت: وانتي للحين مالبستي؟؟
بشرى بكدر: ليش ألبس..أنتوا اللي بتتزوجون وألا أنا؟؟
العنود: ههههههههههههه..
بشرى: شفيك تضحكين؟؟
الهنوف: يالغبيه..وليد بعد جا يخطبك...
بشرى انصدمت: أحلفوا؟؟ لا لا ما أصدق...
العنود: وليش ماتصدقين؟؟
بشرى: وليد خطب.. هند اخطبت له...

""والله انتي على نياتك كل هذي كانت تمثيلية، انتي أهي العروس""

بشرى التفتت لها: هند؟؟
الهنوف:ههههههههههههه، هند قالت لنا على كل شي...
بشرى: ياحيوانات...
هند: يالله الحين تجهزي خلصينا...
بشرى: خلوا تمثيليتكم تنفعكم..زواج ماراح اتزوج...
هند وهي تمسك ايدها: مو على كيفك، استحي على وجهك قطعتي قلب الرجال، والحين تقولين زواج ماراح اتزوج؟؟
العنود: يالله خلصي قبل لا يهون...
بشرى: خله يهون مايهمني...
الهنوف: خلاص انا بروح اقول له أنك مو موافقه...
بشرى: لا يالهنوف...
الهنوف: عيل يالله قومي تجهزي...
بشرى: ثواني بس...

((وطلعوا واتجهوا لغرفة الجازي))

العنود دخلت: شفيك انتي بعد؟؟
الجازي: خلاص انتوا بتتزوجون وتخلوني...
العنود: أنتي بعد بتتزوجين..
الجازي: أنا بعد؟؟
العنود: طلال جا مع أخوانه واخطبونا كلنا...
الجازي: من صجك؟؟
العنود: واذا مو مصدقه انزلي تحت وشوفي بنفسك...
الجازي: يعني انا بتزوج بعد؟؟
العنود: إيــــه بتتزوجين...يالله الحين اتجهزي ونزلي..الجماعة ينتظرونا...
الجازي: أوووك..دقايق بس...


((بعد ماتجهزوا البنات نزلوا تحت الصالة))

أم ناصر: مدام البنات كلهم موجودين الحين نقدر نفتح الموضوع... أحنا يابو العنود جايين نخطب بناتك الأربع حق عيالي الأربعه على سنة الله ورسوله...
بو العنود: والله هذي الساعة المباركه ياأم ناصر، وما راح نلقى أحسن منكم...
أم ناصر: وأنتوا يابنات موافقين ولا لا؟؟
البنات استحوا ونزلوا راسهم...
هند: يمه لاتخجلينهم زياده، تراهم موافقين من زمان...
أم ناصر: عيل على بركة الله...



بعد شهرين....


في قاعة العرس وأغنية عبد المجيد عالية الصوت...


يا حظ عينك تنام الليل مرتاحه
ما كنها اللي خذت ممساي من عيني
ما كنها اللي خذت من قلبي الراحه
من يوم شفتك نوت بالحيل تشقيني
--
علقت الآمال في نظرات مزاحه
طويلة الرمش تبعدني وتدنيني
مره تسلهم ومرة حيل ذباحه
ومره تواعد ومرات تجافيني
--
وشلون تسلب شجي النفس وأفراحه
وتعلقه بالأمل حينٍ ورى حيني
عذر المودة ومن نظرات لماحه
شفت أسود الرمش رغم الخوف يغريني
**

دخلت العروس الأولى/ العنود وماسكها من إيدها ناصر..
دخلت العروس الثانية/ الهنوف وماسكها من إيدها قصي..
دخلت العروس الثالثه/ الجازي وماسكها من ايدها طلال...
وأخيراً/ دخلت بشرى مع وليد...

((وركبوا الكوشه واحد ورا الثاني))


""لحظه باقي أحنا نسيتونا""

البنات استغربوا: يبــــــــــــــــــه؟؟

الشباب استغربوا: يمـــــــــــــــــه؟؟

بو العنود: تزوجنا على سنة الله ورسوله...

البنات والشباب والحضور: هههههههههههههههههههههههههههه...

هند: والله وسويتونها...


وكانت هذي النهاية لــــــــــــــــــــــــــــــــــ ((إخــــــــــــــــــوة وأخــــــــــــــــــــــوات))....

مشكوره القصه
رزوووووووووووعه